Müjgan Müşfiq qızı Ağazadə 14 dekabr 2002-ci ildə Bakı şəhərində dünyaya göz açıb. Bakı Britaniya Məktəbinin (BSB - British School in Baku) şagirdidir.
Müjgan ailənin tək övladıdır, anasının gözünün ağı-qarasıdır. Əminliklə deyə bilərik ki, ağıllı və məntiqli uşaqdır. Ən gözəl xüsusiyyəti uşaq olduğuna baxmayaraq insanlara hörmət etmək vəzifəsini bilir. Böyüklərin atmosferindən uzaqda öz maraqlı uşaq həyatını tərcih edir. Çox nazlı və küsəyəndir. Anası ilə yeganə “problemi” onun yemək menyusunun özünəməxsus olmasıdır. Öz ideyasını və mülahizələrini yürütməkdə qətiyyətlidir. Mövcud olduğu uşaq dünyasında özünün ideya və fantaziyalarını başqaları ilə bölüşür. Onun youtube-də seyrçilərə kağızdan hazırladığı oyuncağın hazırlanma mexanizmini ingilis dilində şərh etməsini görsəniz, düşünərsiniz ki, hansısa amerikalı və yaxud avropalı qızcığaz mühüm bir missiya boynuna götürüb. O qədər ciddi və əminliklə şərh edir, bəzən insan təəccüb edir. Azərbaycanlı olduğunu bilib, ona ünvanlanan münasibətləri oxuduqda Nuriyyə xanım bir ana kimi qürur hissi keçirir. Bəzən həmyaşıdı olan xalası oğlanlarını toplar, özünün “yaratdığı” Anten Müjgan FM radiosu şousunu oynar. Bəzilərini video lentə alıblar. Çox əyləncəlidir.
Məktəb tətilini səmərəli keçirtməsi üçün Müjgan gitara və üzgüçülük kurslarına gedir. Məktəbdə fəal və yuxarı səviyyəli təhsil limitində olan şagirdlərdəndir. Vaxtının çox hissəsini bilgisayar arxasında keçirir. Müjganın oxuduğu məktəbin təhsil sistemi bunu müəyyən miqdarda məqbul hesab edir.
Siniflərinin divar qəzetində kiçik məqalələri işıq üzü görür. Müəllimlərindən davamlı olaraq Müjgan zəngin ingilis ədəbi dili ehtiyatına malik olması, hadisələrə qarşı adekvat münasibət qabiliyyəti və inşa yazılarında özünəməxsus fantaziyaları, kiçik hekayələr yaratmaq xüsusiyyətlərini həvəslə qiymətləndirirlər. Keçən il ABS-ın Boston şəhərində baş verən terror hadisəsinə qarşı məktəbin divar qəzetində münasibət göstərməsi və s. kimi fəallıqları yalniz balaca bir qızın real həyata göstərdiyi məntiqli baxışı deyil, həm də gələcəkdə əsl insan ola biləcəyinin göstəricisidir.
Müjgan sinif yoldaşları arasında liderliyini indiyə kimi qoruyub saxlaya bilmişdir. Bunu sinif rəhbəri təbəssümlə tez-tez qeyd edir. Müjgan gələcəkdə yiyələnəcəyi peşəylə bağlı fikrini tez-tez dəyişir. Ən son istəyi gələcəkdə diplomat olmaq, Azərbaycanı hər hansı xarici dövlətdə səfir kimi təmsil etməkdir.
Müjgan gələcəkdə səfir olmaqla bərabər, rəfiqələri ilə birgə musiqi qrupu yaratmaq, hətta məşhurlaşmaq fikrindədir.
Müjgan çox kövrək bir qızdır. Hərdən elə şeylərə kövrəlib ağlaya bilir ki, onun qeyri real olduğunu izah edənə qədər anası əziyyət çəkməli olur.
Комментариев нет:
Отправить комментарий