Ülkər “Dan ulduzu”dur. Göydə
parlayan tək ulduzdur. Qəhrəmanımız Ülkər də parlayan ulduzdur.
Ülkər sakit, tərbiyəli,
mehriban, ünsiyyət qurmağı sevən, kollektivə tez uyğunlaşan uşaq olub.
Uşaqlıqdan şəkil çəkməyi xoşlayıb. Ülkərin həm atası, həm də əmiləri
memardırlar. Bu istedad ona atasından keçib.
Ülkər Nazim qızı Səmədova 13
sentyabr 1984-cü ildə Bakı şəhərində anadan olmuşam. 1991-ci ildə Bakı şəhəri Nəsimi
rayonunda yerləşən 16 saylı orta məktəbə daxil olmuş, VII sinfədək orada təhsil
almışam. Daha sonra təhsilimi Almaniya Federativ Respublikasının Bergheim şəhərində
davam etdirmişəm. 2001-ci ildə orta məktəbi bitirdikdən sonra Bakı şəhər İcra
Hakimiyyətinin Xarici Əlaqələr və İnvertisiyalar Proqramları departamentində
çalışmışam. 2002-ci ildə Azərbaycan Dövlət İqtisad Universtetinin beynəlxalq iqtisadi
münasibətlər fakultəsinə daxil olmuşam. Daha sonra 2006-cı ildə həmin universitetin
beynəlxalq iqtisadi münasibətlər ixtisası üzrə magistratura pilləsinə daxil
olmuş və 2008-ci ildə fərqlənmə ilə bitirmişəm. Hazırda Xarici İşlər
Nazirliyinin Maliyyə İdarəsində çalışıram.
Ülkər: “ - İqtisadiyyatı
güclü olan dövlət siyasi arenada hər şeyə qadirdir. Demək məqsəd güclü
iqtisadiyyata nail olmaq, savadlı iqtisadçılar, siyasətçilər yetişdirməkdir. Mənim
bu ixtisası seçməkdə məqsədim ölkə iqtisadiyyatının güclənməsində bir kadr
olaraq yer almaqdır.
Orta məktəbdə dərslərimi
yaxşı oxumuşam və sevimli fənlərim riyaziyyat, coğrafiya və rəsm olub. Elmi
yarışlarda, ictimai işlərdə fəal iştrak etmişəm. 5-6 may 1997-ci ildə Bakı şəhərində
keçirilmiş “Dünya xəritəsi uşaqların gözü ilə” adlı ikinci respublika uşaq xəritə
sərgisinin III dərəcəli diplomu ilə təltif edilmişəm. Ali məktəbdə sevimli fənlərim
siyasi tarix, iqtisad tarixi, beynəlxalq iqtisadi münasibitlər fənləri olub. 21
mart 2004-cü il tarixində keçirilən bilik yarışmasında I yerə layiq görülmüşəm.
Bundan başqa ali məktəb tələbələrinin X respublika olimpiadasında alman dili fənni
üzrə mükafata layiq görülmüşəm.
Həyatımda ən uğurlu gün ali
məktəbə daxil olduğum gün olub. Bundan başqa uğur qazandığım, mükafat aldığım hər
gün mənim üçün uğurludur, çünki hər bir uğurun arxasında böyük zəhmət və əzm
durur. Bu sənəti sevməyimdə müəllimlərimin yolu böyük olub. Qəbul
imtahanlarında göstərdiyim nəticələrə görə valideynlərimə və müəllimlərimə minnətdaram.
Valideynlərim məni istiqamətləndirdikləri və bilik fundamentinin yaranmasında əvəzsiz
rol oynadıqlarına görə minnətdaram. Bu fundamenti inkişaf etdirən müəllimlərimə
də borcluyam. Sınaq imtahanlarında kifayət qədər yüksək bal toplamışdım.
Mən artıq arzuma çatmışam. Xarici
İşlər Nazirliyində çalışıram.
Mənim fikrimcə Azərbaycanı
vətənini sevən hər bir azərbaycanlının arzusudur ki, işğal olunmuş torpaqları
geri qaytarsın. Bu hadisə baş verdikdə digər bir arzu yaranmayacaq. Gələcəkdə
qazandığım, müəllimlərimdən öyrəndiyim bilikləri öz tələbələrimə çatdırmaq ən
böyük arzumdur. Müəllimlik pilləsinə, zirvəsinə qalxmaq çox şərəflidir. Diplomat
olaraq Azərbaycanı layiqincə təmsil etməklə, maraqlarını qorumaqla mühüm məsələlərdə
tarixin yaddaşında qalmaq istərdim.
Asudə vaxtlarımda kitab
oxumağa üstünlük verirəm, dünya ədəbiyyatına üstünlük verirəm”.
e-mail: ulker.samedova@mail.ru
Комментариев нет:
Отправить комментарий