Hacıyeva Fatimə Nurşad qızı 2001-ci il yanvarın 2-də Bakı şəhərində anadan olub. Fatimə çox sakit və sevimli uşaq olub. Hələ körpəlikdən hər şeylə maraqlanan və maraqlandıqları haqqında məntiqi suallar verən bir uşaq olub. Uşaqlıqdan rəsm çəkməyi və pianino çalmağı xoşlayıb. O, məktəbə getməmişdən əvvəl də oxuyub-yazmağı bacarıb. Valideynləri Fatimənin yaxşı qavrayan uşaq olduğunu hiss edərək, onu məktəbə qədər hazırlıq kursuna yazdırıblar.
I sinfə Suraxanı rayonundakı 104 saylı tam orta məktəbdə başlayıb və hazırda həmin məktəbin 8b sinfində oxuyur. Onun ən sevimli fənləri ingilis və rus dilidir. Həyatının ən sevimli günü 9 fevral 2015-ci ildə olub. Bu tarixdə “İdrak” Elm Tədris Mərkəzində keçirilən “Dil öyrənirəm” yarışmasında birincilik qazanıb. Fəxri diplomla təltif olunub. Bu onun ikinci fərqlənməsi olub. Birinci fərqlənməsini hələ II sinifdə oxuyarkən məktəb rəhbərliyi tərəfindən alıb. İbtidai sinif müəllimi Minayə Əliyeva tərifnaməni təqdim edəndə ona söz verib ki, daim layiqli şagird olmağa calışacaq.
Əldə etdiyi uğur və nəaliyyətlərə görə valideynlərinə və müəllimlərinə borcludur. Qarşısına qoyduğu məqsəd ingilis dilini daha mükəmməl öyrənmək və bu yöndə işləməkdir.
O, asudə vaxtlarında musuqi ilə məşğul olur. Gələcəkdə Leyla Əliyeva kimi xarici ölkələrdə Azərbaycanın tarixini və mədəni irsini tanıtmağı arzu edir. Azərbaycan kimi zəngin dövləti xaricdə təmsil etmək üçün daha çox çalışmaq lazım olduğunu bilir. Ona görə də bu zirvəyə doğru addımlamaq onun qarşısındakı ilk məqsədidir.
Комментариев нет:
Отправить комментарий