İsmayılova Elvira Məhəmməd qızı 2002-ci ildə Rusiya Federasiyasının
Murmansk vilayətində dünyaya göz açmışdır. Körpəlikdə çox sakit və olduqca
şirin bir qız olan Elvira 3 yaşından 6 yaşınadək Murmanskda yerləşən rəqs məktəbinə
getmişdir. Orada yaşadığı müddətdə rus dilində yazıb oxumağı bacarmış, Azərbaycana
gəldikdən sonra isə Azərbaycan dilini öyrənmək üçün xüsusi müəllim tərəfindən
hazırlaşdırılmışdır. Uşqalıqdan incəsənətə böyük həvəs göstərmiş, rəqslə məşğul
olmuş, bir-birindən rəngarəng rəsmlər çəkmişdir. Bundan əlavə o, mahnı oxumağı
da çox sevirdi. Belə çoxtərəfli həvəskarlığına səbəb isə Murmanskda getdiyi
bağçada həm musiqi, həm rəqs, həm də rəsm dərnəklərinin olması idi. 2009-cu ildə
Bakı şəhərində Nərimanov rayon 193 saylı orta məktəbdə ilk təhsilini almağa
başlamışdır. Hazırda da həmin məktəbin 7-ci sinif şagirdidir. Oxuduğu sinifdə əlaçı
olması ilə seçilir. Dərslərində əla qiymətlər alması ilə yanaşı Elvira həm də məktəbin
bütün tədbirlərində fəal iştirak edir, xor və şeir dərnəklərinin, eləcə də
“Riyaziyyat akademiyası”nın üzvüdür. Məktəbdə təşkil olunan sərgilərdə çəkdiyi
rəsmlərlə iştirak edir. Həyatının uğurlu günlərindən biri kimi o, məktəbdə öz fərdi
sərgisinin keçirildiyi günü xüsusi vurğulayır. Çünki bu onun özünə aid bir sərgi
idi, başqa heç kimin. Elvira əldə etdiyi nailiyyətlərə görə özünü ilk növbədə
valideynlərinə və müəllimlərinə borclu sayır. Amma onun fikrincə, insan həyatda
hər şeyə özü nail olmalıdır. Kiminsə, yaxud kimlərinsə hesabına yox. Hər bir
insanın öz imzası və tərzi olmalıdır. Elvira da məhz öz bacarığı ilə artıq müəyyən
kütlə içərisində öz layiqli yerini tutub. O təkcə kağız üzərində şəkillər çəkməklə
yetinmir, kətan üzərində yağlı boyalarla da rəsmlər çəkir. Rəssamlığa başladığı
ilk vaxtlarda vərəq üzərində pastel tonlarla, rəngli qələmlərlə sadə rəsmlər çəkirdi.
Hazırda onun vərəq üzərində 50-yə yaxın şəkli var. Bundan başqa, iki ilə yaxın
bir müddətdir ki, Elviranın kətan üzərində yağlı boyalarla rəsmləri var. Xüsusi
əl işləri sahəsində isə onun müxtəlif materiallardan, ipək parçalardan, gildən,
kağızlardan əl işləri vardır. Elviranın sözlərinə görə, o, rəsmlə məşğul olarkən
daxilindəki bütün mənfi enerjini atır, pis auradan uzaqlaşır. Rəssamlığın bu
xüsusiyyəti Elviraya bu sahəni sevdirmişdir. Elviranın fəaliyyəti mediada da
işıq üzü görmüşdür. “Savalan” qəzetinin 26-31 may 2015-ci il buraxılışında “Rəngləri
dost bilən qız” başlığı ilə məqalə yerləşdirilmişdir. Bu məqalədə həm də
Elviranın 21 apreldə keçirdiyi sərgisi, onun rəssamlıq fəaliyyəti haqqında söhbət
açılmışdır. Lider Tv-də də onun bu sərgisi haqqında video çarx yayımlanmışdır.
Bütün bunlar onun yaşının az olmasına baxmayaraq tanınmasına gətirib
çıxarmışdır. Elviranın əsil məqsədi də gələcəkdə öz bacarığı və fəaliyyəti ilə
məşhur olmaq, sərgiləri ilə dünya ölkələrini gəzməkdir. Nümunəvi bir insan
olmaq, tarixin yaddaşında qalmağı arzulayan Elvira yaxşı bilir ki, bunun üçün məqsədlər
üzərində daim çalışmaq lazımdır.
Bu Azərbaycanın istedadlı yeniyetmə və gənclərinin həyat və fəaliyyətindən bəhs edən "Azərbaycan XXI əsrə istedadlarla" adlı kitab-almanaxının elektron variantıdır.
elan
1. Elan-Elan-Elan:Redaksiyamıza Bakı, Sumqayıt və digər bölgələrdə çalışacaq ştatdankənar müxbirlər tələb olunur. Bir ay sınaq müddəti olacaq. Maraqlananlar aşağıdakı nömrələr və e-maillə əlaqə saxlaya bilərlər.
2. “İstedadlar.biz” redaksiyası və www.istedadlarla.blogspot.com saytı yeniyetmə və gənclər arasında “Vətənimi tərənnüm edirəm” başlıqlı müsabiqə keçirir. Müsabiqə bir neçə yaş qrupunda və bir neçə nominasiyada keçiriləcək. Müsabiqədə xarici ölkələrdə təhsil alan azərbaycanlılar da iştirak edə bilərlər.
Yaş qrupu.
6-9 yaş qrupu
10-13 yaş qrupu
14-17 yaş qrupu
18-24 yaş qrupu
25-29 yaş qrupu
Nominasiyalar
Nəzm və nəsr əsərləri
Rəsm və təsviri incəsənət
İnşalar
Dekorativ tətbiqi sənət
Müsabiqədə iştirak etmək istəyən şəxslər işlərini müsabiqəyə bir neçə üsulla təqdim edə bilərlər.
Bakı şəhəri. Mətbuat pr. 529-cu məhəllə. “Azərbaycan” nəşriyyatı, III mərtəbə , 98-ci otaq. Bu ünvana bilavasitə gətirməklə.
Yuxarıda göstərilmiş ünvana poçt vasitəsilə göndərməklə. “Müsabiqə üçün” qeydi olmalıdır.
guneshjurnali@mail.ru elektron ünvanına göndərməklə.
Müsabiqəyə təqdim edilən işlərdə aşağıdakı məlumatlar mütləq öz əksini tapmalıdır:
İştirakçının soyadı, adı, atasının adı.
Doğum tarixi (gün, ay, il)
Təhsil ocağı və sinfi
Dəqiq yaşayış ünvanı
Ev və mobil telefonu
1 ədəd fotoşəkil
Bakı. Mətbuat pr. 529-cu məhəllə. "Azərbaycan" nəşriyyatı. III mərtəbə. 98-ci otaq.
əlaqə nömrələri: 5382322, 4086820, 4082954 e-mail: guneshjurnali@mail.ru
Комментариев нет:
Отправить комментарий