Məmmədov Polad Təbriz oğlu 2006 – cı il mayın 12-də Bakı şəhərində anadan olub. Polad uşaqlıqda dəcəl olub. O, hər şeyə maraq göstərib. Polad 3-4 yaşlarından saymağı, şer söyləməyi bacarır, məktəbə gedənə qədər yazıb – oxumağı bilirdi. Polad bunları baxçaya getdiyi zaman müəllimləri tərəfindən öyrənib. Polad beş yaşında “Mən böyümüşəm” verlişinə baxarkən, özü ilə yaşıd uşaqları polis formasında görməsi onda yol – hərəkəti qaydalarına maraq göstərməsinə səbəb olub. Bu marağın reallaşmasının səbəbkarı Süleymanova Fəridə xanım olub. Poladın ən yaxın dostlarından biri də qardaşı Elşəndir. O, qardaşı ilə birlikdə Sabunçu rayonu İlqar Əliyev adına 96 nömrəli orta məktəbində təhsil alırlar. Polad 4 –cü sinifdə, Elşən isə 3 – cü sinifdə oxuyur. Dərslərini bir yerdə hazırlayır və birlikdə məktəbə gedib-gəlirlər. Hər iki qardaşın polislik peşəsinə böyük həvəsi var. Onlar bu həvəsləri ilə hətta yoldaşlarında da polis peşəsinə maraq yaradıblar. Polad və Elşən dərslərini yaxşı oxuyurlar. Onların ən sevdiyi fənnləri Azərbaycan dili, riyaziyyat, həyat bilgisi və musiqi fənnidir. Məktəbdə keçirilən bütün tədbirlərdə iştirak edirlər. Onlar televiziya kanallarından bir çoxunda iştirak edib. Bacarıqlarına, savadlarına görə bir çox tərifnamələrə və diplomlara layiq görülüblər. Üzvü olduqları Bakı şəhəri 46 nömrəli məktəbdənkənar tərbiyə işi mərkəzində də keçirilən tədbirlərdə də fəal iştirak ediblər. Əldə etdikləri uğur və nəailiyyətlərə görə valideynlərinə və ibtidai sinif müəllimləri Gülnara və Fəridə xanıma təşəkkürlərini bildirirlər. Polad gələcəkdə Polis Akademiyasına daxil olmaq, təhsilini başa vurduqdan sonraysa isə işinin peşəkarı olmaq istəyir. Polad asudə vaxtlarinda qardaşı Elşənlə birlikdə şəkil çəkməyi, maraqlı kitablar oxumağı çox sevir. Polad və Elşən Azərbaycan Respublikasının suverenliyi, müstəqilliyi və ərazi bütövlüyünün qorunması uğrunda canlarından belə keçməyə hazırdılar. Onlar millətə, vətənə layiqli övlad olmağa çalışırlar.
Комментариев нет:
Отправить комментарий