Öyrənməyə marağı onu məktəbə gedənə qədər sərbəst oxuyub-yazmağa sövq edib. Məktəbəqədr hazırlıq müəllimi Sevinc xanımın sayəsində xeyli bilgi əldə etmişdi. Məhz bu səbəbdən məktəbə qədəm qoyanda artıq tam hazırlıqlı idi.
Aysel ilkin təhsilini Sumqayıt şəhərindəki F. Piriyev adına 18 saylı orta məktəbdə alıb. Hazırda Təbiət Elmləri Təmayüllü Gimnaziyada təhsil alır. Əlaçıdır, bütün fənləri eyni dərəcədə sevir.
Gəlin məktəbdəki fəaliyyəti ilə bağlı Ayselin öz fikirləri ilə tanış olaq: “ - Məktəb tədbirlərində iştrak edirəm. Hər tədris ili üçün məktəb tərəfindən fəxri fərmanlarım var. “Bilik” Tədris Mərkəzinin təşkil etmiş olduğu sınaq imtahanında yüksək nətikcə göstərdiyimə görə fəxri fərman almışam. 2012-2013 Heydər Əliyevin 90 illiyinə həsr olunmuş riyaziyyat fənni üzrə keçirilən IX olimpiada, 2013-2014 Heydər Əliyevin 91 illiyinə həsr olunmuş riyaziyyat fənni üzrə keçirilən X olimpiada, 2015-2015 Heydər Əliyevin 92 illiyinə həsr olunmuş riyaziyyat fənni üzrə keçirilən XI olimpiadada I yeri tutduğuma görə təltif olunmuşam.
Təhsildə və həyatda qazandığım uğurlara görə başda ibtidai sinif müəllimi İradə Mehdiyeva olmaqla bütün müəllimlərimə və valideynlərimə borclu olduğumu düşünürəm.
Əlaçı olub bütün fənləri mükəmməl öyrənib savadlı həkim olmaq istəyirəm. Kiçik yaşlarımdan bu fikrə düşmüşəm, məni sevənləri, sevdiklərimi vətənimin hər bir övladımı sağlam görmək istərdim.
Asudə vaxtlarımda adətən riyaziyyat və məntiqlə məşğul olmağı, kiçik təmsilləri, nağılları ingilis dilinə çevirməyi sevirəm. Bir azərbaycanlı olaraq vətənimi dünyada tanıtmaq layiqli şəkildə təmsil etmək istərəm.”
Комментариев нет:
Отправить комментарий