Quliyeva Ruqəyya Füzuli qızı

  

 

 

Quliyeva Ruqəyya Füzuli qızı 29 May 2009-cu ildə Bakı şəhərində anadan olub. Ruqəyya hər zaman çox aktiv, özünü sevdirməyi bacaran, gülərüz, şən və mehriban uşaq olub. Komplekssiz olması onu yaşıdlarından başlıca olaraq fərqləndirən xüsusiyyətdir. Anası Ruqəyyanın bu xüsusiyyətini daha çox sevir. Boş vaxtlarında heç bir zaman sıxılmır. Çünki istənilən vəziyyətdə öz maraq dairəsinə uyğun məşğuliyyət tapır: gah cizgi filmlərinə baxaraq rollara girir, gah rəsm çəkir, çəkdiyi personajları kəsərək onlarla oynayır, cizgi film mahnılarını ifa edir. Ruqəyya hələ 5 yaşında ikən yazı yazmağı öyrənib. Bütün hərfləri dəqiqliklə yaza bilməsə də həvəsi böyük idi. Baxça müəllimlərinin bu baxımdan zəhməti böyük olmuşdur. Oxumağı bacardığını anası təsadüfən öyrənmişdir. Bir dəfə yolda gedərkən divarda reklam şitləri üzərində yazılan məlumatları oxuduğunu, doğru tələffüs edə bilmək üçün səy göstərdiyini anası görüb. Həmçinin Rus dilini də özü cizgi filmlərinə baxaraq öyrənmişdir. Anasının düşüncəsinə görə Ruqəyyada olan bu istedad həm irsidir. Cizgi filmlərində izlədiyi rəngli kadrlar, səslənən musiqilər onun həvəsini artırmış, istedadının üzə çıxmasına yardımçı olmuşdur. Həmçinin müəllimlərinin də bu yolda zəhməti az olmamış, onun bacarıqlarını artırmışdır. 2016-cı ildə Azərbaycan Milli Konservatoriyası tərkibində Respublika İncəsənət Gimnaziyasına daxil olub və hal-hazırda orada təhsil alır. Dərslərini həvəslə oxuyur, qiymətləri yaxşıdır. Onun ən sevimli fənləri “Riyaziyyat”, “İnformatika” və “Xarici dil (Rus dili və İngilis dili)”-dir. Ancaq vokal dərslərini də çox sevir. O, 2017-ci ildə məktəblərində keçirilmiş 11-ci siniflərin “Son zəng” tədbirində, öz “Əlifba” bayramlarında, kiçik yaşlarında təhsil aldığı bağçada keçirilən fəsil bayramlarında rəqs edərək, şeir və mahnı ifa edərək fəal iştirak etmişdir. O,bütün uşaqlar kimi ən maraqlı günləri hədiyyə aldığı günlərdir. Bununla yanaşı dərslərinə yaxşı hazırlaşdığı, tədbirlərdə yaxşı ifa etdiyi istənilən gün uğurlu günlərindən hesab edir. Ruqəyya 1-ci sinifi fərqlənərək bitirmiş – Diplomla təltif olunmuşdur. Həyatda əldə etdiyi istənilən nailiyyətinə görə ilk öncə hər zaman uğur qazanacağına inanmış və sevgisi ilə dayaq olan anasına borclu olduğunu bildirir. Daha sona isə ona elm öyrətmiş, incəsənətin sirlərini onun üçün aşkara çıxarmış müəllimlərinə minnətdardır. Xüsusən də vokal dərsləri aldığı – Cahangir müəllimi çox sevirəm. “Moana” cizgi filmindəki Moanaya oxşamaq, onun kimi ifa etmək istəyir. Cizgi filmində mahnıları səsləndirən Zina Kupriyanoviç adlı qız imiş, bunu da sonradan öyrənib. Savadlı müsiqiçi olmaq arzusundadır. Gələcəkdə musiqi sahəsi ilə yanaşı həkim cərrah olmaq istəyir. O, gəlinciklərini həmişə “əməliyyat” etmək oyununu çox sevir. Asudə vaxtlarında rəsm çəkir, gəlincikləri ilə oynayır, velosipediylə gəzməyə üstünlük verir. Mahnı oxumaqla yanaşı rəsm sənətinə də həvəsi olduqca böyükdür. Onun hal-hazırda tək hədəfi dərslərini yaxşı oxumaqdır. Rüqəyya dünya şöhrətli musiqiçilər kimi incəsənət sahəsində uğur qazanmaq istəyir. Həmçinin cərrah ola bilmək üçün dərslərimi yaxşı oxuyub savadlı həkim kimi insanları xilas etmək arzusundadır.