Quluzadə Rufiz Hafiz oğlu 15 avqust 2005-ci ildə Bakı şəhərində anadan olub. Onun əsli Cəbrayıllıdır. Rufiz körpəlikdən sakit, sözə baxan,ağıllı və təmkinli uşaq olub. Məktəbə gedənə qədər yazmağı, oxumağı, hesablamağı bağça müəllimi tərəfindən öyrənib. Quluzadə Rufiz ilk təhsilini Sabunçu rayonu 310 saylı tam orta məktəbdə alıb. Məktəblərində tədris olunan bütün fənləri əla qiymətlərlə oxuyub. O, daim bilik və bacarığı ilə yaşıdlarından seçilib və sinif əlaçısı olub. Onun ən sevimli fənləri ədəbiyyat, coğrafiya və tarixdir. Rufiz bağçada, məktəbdə təşkil olunan bütün bayram şənliklərinin və tədbirlərin fəal iştirakçısı olub. Göstərdiyi aktivliyə görə hər zaman diplom və fəxri fərmanla təltif olunub. Yüksək zəka, savad, tərbiyə və bacarıqlarına görə məktəbə ilk addım atdığı gündən bu günə kimi müəllimlərinin sevimlisinə çevrilməyi bacarıb. Rufizin incəsənətə aləminə olan böyük marağı və sevgisi onu İncəsənət Gimnaziyasına daxil olmağa sövq edib. Onun ən böyük arzusu bu sahə üzrə özünü daha da təkminləşdirmək, daim uğurlar əldə etmək və incəsənət aləmində Rufiz Quluzadə adını tarixin yaddaşına yazmaqdır. O, hal-hazırda İncəsənət Gimnaziyasında yaradılmış “Balaca yazarlar birliyi”nin üzvüdür. Teatrda göstərdiyi fəallığa görə diplomlarla təltif olunub. Məktəblərində Azərbaycan Xalq Cümhuriyyətinin 100 illik yubileyinə həsr olunmuş “Azerbaijan Golden Kids Awards 2018” uşaqların mükafatlandırılması mərasimində qalib olub. Yaşının az olmasına baxmayaraq teat aləminə ürəkdən bağlanan Rufiz, bu yolda inamla addımlayır. Bu günə qədər əldə etdiyi uğurlara görə Aysel müəlliminə və valideynlərinə borclu olduğunu bildirib. O, Azərbaycan Nəşriyyatında çap olunmuş “Yazdım ki, izim qalsın” adlı kitabda çıxış edib, onun haqqında da bu kitabda məlumat yer alıb. Rufiz gələcəkdə Vətəninin adını daim ucaldacaq, xeyirli işlər görəcək bir şəxsiyyət kimi formalaşmağı özünə başlıca yol seçib.
Комментариев нет:
Отправить комментарий