Şərifzadə Nurlan Elşən oğlu

Şərifzadə Nurlan Elşən oğlu 23.02.2007-ci ildə Bakı şəhərində anadan olub. Nurlan körpəlikdən ağıllı, sakit və təmkinli uşaq olub. Kiçik yazlarından futbol oynamağa böyük həvəsi olub. Məktəbə gedənə qədər yazmağı, oxumağı, hesablamağı bacarıb. Valideynləri Nurlanın 1-ci sinifdə oxuyan zamandan tar musiqi alətinə olan marağını görüb və onu  bu sahə üzrə yönləndirib.  Şərifzadə Nurlan İncəsənət Gimnaziyasında təhsil almaqla yanaşı tar dərsləridə alır. Onun ən sevdiyi fənlər həyat bilgisi, tarix və ədəbiyyatdır. Məktəblərində keçirilən bütün tədbir və bayram şənliklərinin fəal iştirakçısıdır. O, burada tar çalaraq öz məharətini tədbir iştirakçılarına nümayiş etdirib. Nurlan fəaliyyətindən dolayı tanınmış tarzən Möhlət Müslümova oxşamaq istəyir. Onun kimi tanınmış, ustad tarzən olmaq arzusundadır. Onun gələcək planları tarın sirlərinə daha da dərindən bələd olub, şagirdlər yetişdirməkdir. Asudə vaxtlarında kitab oxumağı və tar çaılmağı xoşlayır. O, musiqilərdən bizim soy- kökümüzdən gələn muğamlarımızı dinləməyə daha çox üstünülük verir. Nurlan orta məktəbi uğurla bitirib, Musiqi Akademiyasına qəbul olmaq istəyir. O, 13.03.2018-ci il tarixində Lider TV-də yayımlanan xəbərlər proqramında Tahir Salahovun ev muzeyindəki konsertdə çıxış etməsi nümayiş olunub. Bu günə qədər əldə etdiyi uğurlara, nailiyyətlərə görə valideynlərinə və xüsusi olaraq da tar ustadı Xaliq müəlliminə borclu olduğunu bildirib. O, öz sahəsi üzrə incəsənət aləminə yeni töhfələr vermək niyyətindədir. Nurlan xarici müsabiqələrdə iştirak edib, Vətəninin bayrağını qaldırmağı qarşısına məqsəd qoyub.