Baxışzadə Malik Rəhman oğlu

Yaz aylarının gözəl günlərindən biri yaşanırdı. Baxışovlar ailəsində sevincli bir gün yaşandı.  Baxışzadə Malik Rəhman oğlu 3 may 2011-ci ildə Bakı şəhərində dünyaya gözlərini açdı.  Körpəlikdə çox sakit və mehriban  uşaq olub. Heç bir zaman valideynlerini incitməyib. Sakit şəkildə oyunlar oynayar, yoldaşları ilə mehriban davranardı. "Can", "Kayu", "Pepe", "Tomas və dostları" adlı cizgi filmlərinə baxmağı, rəqs etməyi, plastilindən əşyalar, heyvanlar düzəltməyi çox sevirdi.

 Məktəbə gedənə qədər artıq saymağı, toplama-çıxmanı, bir çox şeir və nağılları əzbər bilirdi. Bunları ona evdə anası Şahnaz xanım, bağçada isə müəllimləri öyrətmişdi. Bağçadakı müəllimləri də hər zaman ondan razılıqlrını bildirirdilər və onu çox sevirdilər. Təhsilə ilk addımlarını Tofiq Məmmədov adına 239 saylı tam orta məktəbdə atmışdır. Hazırda məktəbin 2c sinif şagirdidir. Dərslərini əla qiymətlərlə oxuyur. Sinifin əlaçı şagirdlərindən biridir.  Azərbaycan dili, riyaziyyat və informatika fənnlərini daha çox sevir. Aktiv bir şagird olan Malik bağçada və məktəbdə olan tədbirlərdə yaxından iştirak edir.  Bütün tədbirlərdə, bayramlarda rol almışdır. Gələcəkdə qırıcı pilotu olmaq istəyir. Azərbaycan torpaqlarını ermənidən azad etmək üçün əsgər olamaq və qırıcı təyyərə pilotu olmaq onun ən böyük arzularından biridir.  Həmçinin  cüdo idman növü ilə məşğul olur. Eyni zamanda rəqslə məşğul olub. Gələcəkdə isə məktəbi əla qiymətlərlə bitirib yüksək balla Milli Aviasiya Akademiyasına daxil olmaq fikrindədir. Biz də öz növbəmizdə Malikə uğurların bol və daim olsun deyirik. Yolun hər zaman aydınlıq olsun. Səsin hər daim zirvələrdən gəlsin!