Nəzərli Aysu İntiqam qızı

Nəzərli Aysu İntiqam qızı 20 aprel 2003-cu il də Füzuli rayonunda dünyaya göz açıb. Sakit, mehriban, ağıllı, rəngli şəkillər ilə vaxt keçirməyi xoşlayan uşaq olub. Maraq dairəsi hər zaman çox böyük idi. 5 yaşında Füzuli rayon Böyük Bəhmənli kəndində uşaq bağçasına gedib, bağça müəllimləri tərəfindən yazıb-oxumağı öyrənmişdir. Uşaq bağçasına gedərkən orada gördüyü rəngli şəkillər ona rəsmə qarşı maraq yaradıb və evə gəldiyində isə rəsm çəkməyə başlayıb. İbtidai sinifə Biləcəri qəsəbəsində yerləşən 300 saylı tam orta məktəbdə başlamışdır. Hal-hazırda isə Abşeron rayon Xırdalan şəhərində yerləşən 6 saylı tam orta məktəbdə təhsilini davam etdirir. Dərslərini əla qiymətlərlə oxuyur. Sinifin əlaçı şagirdlərindən biridir. Sevimli fənləri Azərbaycan dili, ədəbiyyat, tarix, riyaziyyat və ingilis dilidir. Məktəbin ictimai işlərinin də  fəal iştirakçısıdır.  Məktəbdə keçirilən ulu öndər “Heydər Əliyevin anım günü”,  “Xocalı faciəsi”, “Ədəbiyyat gecəsi” tədbirində, “Bahar” şənliyi və digər tədbirlərdə iştirak etmişdir. Bu tədbirlərdə şeir söyləmiş, müxtəlif rollarda çıxış etmişdir. Hazırda məktəbin IX sinif şagirdidir və sinif nümayəndəsidir. Əldə etdiyi uğurlara görə valideynlərinə və özünün əziyyətlərinə borculudur. O hər zaman çalışıb ona göstərilən etimadı doğrultmağa çalışaçağını və təhsilin ən yüksək pilləsinə nail olmaq üçün əlindən gələni edəcəyini bildirir.  Aysunun sonsuz hədəfləri var. Fəaliyyətilə bağlı isə hazırki müəllimlərinə oxşamaq istəyir. Gələcəkdə isə məktəbi əla qiymətlərlə bitirib universitetə qəbul olmaq arzusundadır. Azərbaycan dili və ədəbiyyat müəllimi olan Qəhrəmanova Sevinc xanım onlara dərs deməyə başlayandan o bu fikrə düşub, onun kimi savadlı və mehriban müəllim olmaq arzusundadır. Həmçinin müəllimi Sevinc xanımda Aysunun sinifdə aktivliyi, mehribanlığı və səmimiliyi ilə hər zaman seçildiyini bildirir.  O bütün sinfin sevimlisi, müəllimlərin göz bəbəyidir. Müəllimləri və valideynləri ona böyük ümidlər bəsləyirlər. Aysunun nizam, intizamından, onlara qarşı olan hörmətindən müəllimləri çox razıdır. Eyni zamanda yüksək insani keyfiyyətləri, ürəyiyumşaqlığı,  sinif mənafeyi naminə hər çətinliyə dözən, çalışqan, savadlı şagird kimi hər zaman müəllimlərin diqqətini çəkir. Asudə vaxtlarında rəsm çəkməklə məşğul olur. 2016-ci ildə Zirvə kurslarında rəsm müəllimi Günel xanımın rəhbərliyində, 2018-ci ildə isə Süsən Heydərovanın yanında rəsm kurslarında iştirak etmişdir. Biz də öz növbəmizdə istedadlı müsahibimiz Aysuya yolun daim açıq, uğurların bol olsun deyirik. Səsin hər zaman zirvələrdən gəlsin!