İbrahimov Sahib Mahir oğlu

 

İbrahimov Sahib Mahir oğlu 4 dekabr 2008-ci ildə Bakı şəhərində anadan olub. Sahib körpəlikdə ağıllı, təmkinli, ətraf mühitdə baş verən hadisələrə qarşı maraqlı bir uşaq olub. İdman onun həyatının ayrılmaz bir parçasıdır.  O, lap kiçik yaşlarından idmana qarşı böyük maraq göstərib. Sahibi yaşıdlarından fəqləndirən başlıca cəhət onun oyuncaqlara deyildə idman alətlərinə, boks əlçəklərinə meyilli olmasıdır.  Məktəbə gedənə qədər yazmağı, oxumağı hesablamağı evdə anasının köməkliyi ilə öyrənib.  İbrahimov Sahib Bakı şəhəri Alı Mustafayev adına 202 nömrəli tam orta məktəbdə təhsil alır.  Sinif əlaçısıdır. Tədris olunan bütün fənlərə daim hazırlıqlı olur. Onun ən sevimli fənləri məntiq, riyaziyyat və Azərbaycan dilidir. Məktəblərində keçirilən bütün tədbir və bayram şənliklərinin fəal iştirakçısıdır. Belə ki, Əlifba və Yeni il bayramına həsr olunmuş tədbirdə şeir söyləyib, Novruz şənliyin də isə  “Kosa” obrazını böyük məharətlə canlandırıb.  Sahib elm sahəsində olduğu kimi idman sahəsində də bir çox uğurlara imza atıb. Vətənimizi bir çox (İran, Türkiyə) ölkələrdə layiqli olaraq təmsil edib. Onun həyatında yaşadığı ən uğurlu, sevinci gün İranda Cudo üzrə keçirilən görüşdə 2-ci yeri qazanması olub.  Fəaliyyətindən dolayı bu günə kimi çoxlu diplom və medallara layiq görülüb. Məktəbdə tədris olunan bütün fənlər üzrə göstərdiyi uğurlu nəticələrə görə diplomla təltif olunub. İdman sahəsi üzrə isə 24 diplom və medala sahibdir. Əldə etdiyi nailiyyətlərə görə valideynlərinə və müəllimlərinə borclu olduğunu söyləyir. Sahib gələcək fəaliyyətindən dolayı atasına oxşamaq istəyir. Onun atası Vətənimizin igid oğlullarından olan qazimizdir. Atası kimi mərd, cəsarətli, qorxmaz  və lazım gələrsə torpaqlarımızın hər bir qarışı  uğrunda canından belə keçməyə hazır olan Vətəninə  yayarlı şəxsiyyət olmaq istəyir. Sahibin gələcək planlarından biri də ən şərəfli peşələrdən sayılan həkim olmaqdır. Televizor proqramları vasitəsi ilə tibb işçilərinin fəaliyyətiylə yaxından tanış olub və bu onda bu peşəyə qarşı həvəs yaradıb. O, işini vicdanla, şərəflə yerinə yetirib xəstələrə şəfa vermək arzusundadır. Eyni zamanda da idman sahəsi üzrə bayrağımızı  xarici ölkəklərdə dalğalandırıb, himnimizi səsləndirmək niyyətindədir. Asudə vaxtlarında şəkil çəkməyi xoşlayır.  Təsvirini rəsmlərində əks etdirdiyi canlılar daha çox heyvanlardır. Bu səbəbsiz yerə belə deyil. Sahib heyvanları çox sevir. Xüsusiylədə itlər və atları. Onların sadiq heyvan olması Sahibin daha çox xoşuna gəlir.  Uğurlu fəaliyyətindən dolayı onun haqqında məlumat məktəblərinin saytında dərc olunub. Sahibin ən böyük arzusu Vətən torpaqlarını azad görmək, xeyirli vətəndaş olaraq ailəsinin başını daim uca etməkdir.