Məsimli İnci Vüsal qızı

Məsimli İnci Vüsal qızı 27 fevral 2009-cu ildə Bakı şəhərində anadan olub. İnci körpəlikdə çox mehriban, ağıllı, təmkinli və olduqca həssan bir uşaq olub. Ailəsi ilə birgə səyahətlərə çıxmağı, tez-tez gəzintilərdə olmağı çox sevir. Onun ən sevimli məşğuliyyətləri gəlinciklərinə müxtəlif dizaynda geyimlər tikmək və özündən müxtəlif cür oyuncaqlar hazırlamaqdır. Məktəbə gedənə qədər yazıb-oxumağı bağçada müəllimləri tərəfindən öyrənib. İncinin rəsmə olan marağı lap kiçik yaşlarından rəngli vərəqlərə, karandaşlara olan meylindən artıq bəlli idi. Onun bu istedadı ailəsi tərəfindən aşkarlanıb və bu işdə ona böyük dəstək olunub. Məsimli İnci Bakı şəhəri 70 saylı məktəb-liseydə təhsil alır. Tədris olunan bütün dərsləri  əla qiymətlərlə oxuyur. Onun ən sevimli fənləri Azərbaycan dili, ingilis dili, riyaziyyat və təsviri incəsənətdir. İnci məktəblərində və üzvü olduğu dərnəkdə keçirilən bütün tədbir, bayram şənliklərin və festivallarında uğurlu çıxışlar edib.  Onun həyatında ən maraqlı, yadda qalan gün çəkmiş olduğu  rəsm əsərinin Azərbaycanım sərgisində uğur əldə edərək onu Respublika 2-si edib.  Bu günə qədər əldə etdiyi uğurlara görə Leyla müəllinə borclu olduğunu bildirir. İncinin ən böyük arzusu öz dəsti xətti ilə dünyada seçilən əl işlərinə sahib dizayner olmaqdır. Asudə vaxtlarını rəsm çəkməklə keçirir. O, daha çox rəsm əsərlərində təbiət mövzusuna üstünlük verir.  İnci haqqında milli mətbuatımızda respublika 2-si olduğu zaman reportaj gedib. O, tarixin yaddaşında milli ornamentlərimizi, naxışlarımızı özünə məxsus şəkildə icra edərək dünyada tanıtmaq istəyir.