Bu oğlanın adını ailənin yaxın dostu Qənimə xanım qoyub. Elmir evin üçüncü övladıdr. Yəqin ki, sülh, dostluq mənasını verdiyinə görə bu adı seçib. Elmir körpəlikdə çox mehriban və dünyagörüşlü olub. Maraqları çox geniş idi. Təzə nə görsə onu cəlb edirdi. Paltar, kitab, dəftər, ən çox qəzetləri xoşlayırdı. Suallar çox verirdi, düzgün cavabları tez başa düşürdü. Təbiətdə işləməyi, gəzməyi, səliqə-səhman yaratmağı daha çox sevirdi. Məktəbə qədər yazmağı və oxumağı bacarırdı. Bacısı özü də orta məktəbdə istedadlı şagird, dərs əlaçısı olduğu üçün onu hərtərəfli hazırlayırdı.
Kiçik yaşlarından biologiya fənnini sevir. V sinifdən anası biologiya müəllimi, həm də sinif rəhbəridir. Atası uzun müddət aqronom işləyib. Hazırda Oğuz rayon Bitki Mühafizə Mərkəzinin rəisi işləyir. Atasına bitkiçiliklə bağlı məlumatların toplanmasında yaxından köməklik göstərir. Uşaqlıqdan deyir ki, atam kimi aqronom olacam.
Elmir Yengibar oğlu Məhərrəmov 1997-ci il dekabrın 26-da Oğuz rayon Kərimli kəndində anadan olub. 2003-cü ildən Kərimli kənd orta məktəbinin I sinfinə qədəm qoyub. Hazırda həmin məktəbin X sinfində oxuyur. I sinifdən dərs əlaçısı, sinif nümayəndəsidir. Fəal ictimaiyyətçidir. Məktəbin bütün ictimai işlərində yaxından iştirak edir. İngillis dilinə də maraq göstərir. Həftənin iki gününü ABŞ vətəndaşı Parkerin məşğələlərində iştirak edir. Məktəbdə Parkerin yaxın bələdçisidir. Qardaşı Elgün idman müəllimi, futbol məşqçisi olduğu üçün futbola maraq göstərir. Futbol yarışlarında, zona yarışlarında dəfələrlə iştirak edib.
Elmir deyir: “ - Dərslərimi əla qiymətlərlə oxuyuram. , fizika, kimya, biologiya fənlərini daha çox sevirəm. Məktəbin bir çox tədbirlərində iştirak etmişəm. Bu il Kiçik Akademiyanın prezidenti seçilmişəm. Həyatımda ən maraqlı gün I sinfə qədəm qoymağımdı. Ona görə ki, mənim üçün müəllimlər, tanımadığım uşaqlar çox maraqlı idi. 2007-ci ildə “Tumurcuq” qəzetində dərs əlaçısı kimi şəklim çıxıb. Bütün sinif şagirdlərindən həm dərs əlaçısı, həm də fəal ictimaiyyətci olmağımla seçilmişəm. H. Əliyevin anım günu münasibəti ilə “H. Əliyevin ideyaları ölməzdir” mövzusunda keçirilmiş inşa yazı müsabiqəsində I yer tutduğuma, 2012-ci ildə “İlin ən yaxşı şagirdi” müsabiqəsində qalib olduğuma görə məktəb direktoru tərəfindən yenə fəxri fərmanla təltif olunmuşam. 2013-cü ildə məktəb olimpiadasının qalibi oldum. Biologiya fənni üzrə respublika turunda IV yerə çıxdım.
Məktəbdə bütün uğurlarıma görə ibtidai sinif müəllimim Çimnaz xanıma, anama, eyni zamanda bütün fənn müəllimlərimə borcluyam.
Asudə vaxtlarımda təbiətdə işləməyi, gəzməyi, top oynamağı və bilgisayarda məlumatlar toplamağı xoşlayıram.
Məktəb daxilində tədbirlərdə kiçik səhnəçiklərdə iştirak etmişəm. Musiqini xoşlayıram, sintezator çalmağı baçarıram.
Valideynlərimin ən böyük arzusu mənim yüksək elmi nailiyyətlər qazanmağımdır. Onların arzularını həyata keçirsəm özümü çox xoşbəxt hiss edərəm.
Şer deməyi xoşlayıram, futbol dərnəyinin üzvüyəm. Rəqs etməyi baçarıram. Ən çox musiqi alətlərində çalmağı xoşlayıram.
Gələcəkdə ali təhsilli kənd təsərrüfatı mütəxəssisi olmaq, atamın yolunu davam etdirmək, ailəmə, vətənimə layiq övlad olmaq istəyirəm. Yuxarı siniflərdə bu fikrə düşmüşəm. Bioloqların əhatəsində olduğuma görə.”
e-mail: elmir.oguz@mail.ru
Комментариев нет:
Отправить комментарий