Camal Ceyhun oğlu Qurbanlı

Daim öyrənməyə həvəs göstərən Camal Ceyhun oğlu Qurbanlı 14 mart 2002-ci il tarixində Bakı şəhərində dünyaya göz açmışdır. Azyaşlı olduğu vaxtlarda  belə öyrənməyə, biliyini artırmağa maraq göstərmişdir. Anası Natəvanan xanımın Camalın körpəlik dövrü ilə bağlı xatirələri: “ - Camal uşaq vaxtından mehriban və istiqanlı uşaq olub. Maraq dairəsi çox geniş olub. 3 yaşından rus və ingilis dillərinə maraq göstərib. Mütəmadi olaraq həmin dillərdə verilişləri izləyər, kitablar oxumağa cəhd edərdi.”

Camal 2008-ci ildə “Ankara” məktəb-liseyinə getməyə başlamışdır. Müəllimləri, yoldaşları ilə vaxt keçirməyi çox sevir. Sinifdə öz yoldaşları ilə daim mehriban münasibətdə olması ilə ideal şagirddir. Məktəbin kiçik sevimlisi olan istedadlı şagird müəllimlərinə xüsusi rəğbət bəsləyir. Hər zaman dərslərini hazırlaşan, çalışqan olan yeniyetməmiz qısa zamanda müəllimlərin, yoldaşlarının sevimlısınə çevrilmişdir. Sinif əlaçısı olan Camal həmişə yaşıdları arasında birinci olmağa və onlara hər bir çətinlikdə kömək olmağa çalışır. Məktəb onun həyatında ikinci ev olmuşdur. Onun üçün öyrənmək ən sevimli işdir.

Camal 6 ildir əlaçı olduğunu və bundan sonrakı illərdə də əlaçı olaraq məktəbi başa vurmağa çalışacağını, fəaliyyəti ilə bağlı heç kimə oxşamaq istəmədiyini deyir.

Onun ən sevimli fənləri riyaziyyət, ingilis dili və alman dilləridir. Məktəbin fəal, çalışqan şagirdlərindən olan istedadlımız  məktəbdə keçirilən bir çox tədbirlərdə  iştirak etmişdir. Hətta “British Council”-də keçirilən bir çox tədbirlərdə aparıcı olmuşdur. İlk sertifikatını I sinifdə almışdır. V sinifdən isə  “Bitish Council”-in tədbirində iştirak etməyə başlamışdır. VI sinifdə coğrafiya üzrə yarışmada I yerə layiq görülmüş və sertifikatla təltif olunmuşdur. Onun indiyə qədər artıq 12 sertifikatı vardır.

Bütün uğurlarına görə isə özünə və ailəsinə borclu olduğunu vurğulayır.

Hazırda indiki hədəfi  TOEFL imtahanı verib, xaricdə təhsil almaqdır. Xaricdə təhsilini başa vurduqdan sonra doğma Azərbaycanda işləmək, bilik və bacarıqlarını vətəninin inkişafı üçün sərf etmək arzusundadır.

Asudə vaxtlarında ingilis dili öyrənməyi, kitab oxumağı, şəkil çəkməyi, kompyüterlə oynamağı çox sevir. Rəsmlə məşğul olduğu zaman daha çox portretlər çəkməyə üstünlük verir. Camal inamla, həvəslə çalışır və gələcəyə dair planlarını həyata keçirmək arzusundadır.