İTALİYADAKI GƏLƏCƏK SƏFİRİMİZ

 

Günay Vilayət qızı Rusifit 22 mart 1991-ci ildə Bakı şə­hə­rində anadan olub. 1998-ci ildə Xətai rayonundakı 293 saylı məktəbin I sinfinə daxil olub. 1999-cu ildən isə Nizami rayonundakı 220 saylı mək­təbdə təhsilini davam etdirib. 2009-cu ildə hə­min məktəbi biti­rərək Azərbaycan Dillər Uni­ver­sitetinin tərcümə (Azər­baycan-italyan dili) fakültəsinə daxil olub. Təhsildən əlavə rəqs və voleybolla məşğul olub. 

Günay: “ - İtaliya döv­lətinə marağım olduğu üçün bu ixtisası seçmişəm. 

Orta məktəbi əla qiy­mətlərlə oxumuşam. Ən sevimli fənnim ingilis dili olub. Dəfələrlə olimpiada­larda iştirak etmişəm. 2004-cü ildə “Dahilər so­rağında” layihəsində 3 tu­run qalibi kimi 1 aylıq kurs keçib sertifikat əldə etdim. 2007-ci ildə beynəlxalq Mondia­loq yarışmasında iştirak etmişəm. 2008-ci ildə Amerika-Azər­bay­can əlaqə və mübadilə proqramı layi­həsinin iştirakçısı olub sertifikatla təltif olunmuşam. “Avropa” hotelində AP-220 şirkətinin ingilis dilində təqdimatını etmişəm. 

Ali məktəbdə əla oxumuşam. Sevimli fənlərim italyan və fransız dilləri olub. İtaliya səfirliyinin xəttilə təşkil olunmuş Peruca Universitetində təhsil almaq üçün keçirilən müsabiqənin qalibi olmuşam və 2011-ci ilin aprel-may aylarında orada dil kursu keçmişəm.

Sevdiyim ixtisasa yiyələnməkdə özümü müəllimim Gözəl xa­nıma borclu bilirəm. 

Ali məktəbi bitirdikdən sonra səfirlikdə işləmək arzusun­dayam. Ən böyük arzum isə Azərbaycanın İtaliyadakı səfiri ol­maqdır.”