Azərbaycanın istedadlı övladlarından biri də Heydərli İlham Heydər oğludur. O, 28 oktyabr 2004-cü ildə dünyaya göz açmışdır. Rəsmə, bədii kitablar oxumağa marağı olan İlhamın əl qabiliyyəti çox gözəldir. O, 5 yaşından yazıb-oxumağı bacarırdı. Bunu ona nənəsi öyrədib. Məktəb tədbirlərində aktiv iştirak edən İlhamın çoxlu sertifikatları var.
O, ilk qədəmlərini Bakı şəhər Suraxanı rayonunun Hövsan qəsəbəsindəki E. Qaranzadə adına 270 saylı orta məktəbdə atmışdır. Dərsləri çox yaxşı oxuyan İlhamın ən sevdiyi fənləri Azərbaycan dili, ədəbiyyat və tarixdir. O, 2014-cü ildə ilin “Kitab sevən şagirdi” seçilmişdir. “Sehrli dünya” jurnalında çəkdiyi rəsm çap olunmuşdur. 2014-cü ildə İlham müsabiqə yolu ilə Kaspi liseyinə qəbul olmuşdur.
İlham əldə etdiyi uğurlara görə ən birinci nənəsinə, sonra bağça müəllimi Gülöyşə xanıma, ibtidai sinif müəllimi Təyyarə və Sürəyya müəllimə özünü borclu hiss edir.
İlham asudə vaxtlarında kitab oxuyur, voleybol və karate ilə məşğul olur və musiqiyə qulaq asır. O, gələcəkdə ali məktəbə daxil olaraq hüquqşünas olmaq və Londonda təhsil almaq istəyir.
Ona bu yolda uğurlar arzulayırıq.
Комментариев нет:
Отправить комментарий