Quluzadə Zeynal Ziyafəddin oğlu 20.07.2010-cu ildə Bakı şəhərində dünyaya göz açıb. Zeynal ətraf mühitdə baş verən hadisələrə maraqlı, sakit, ağılı və sözəbaxan bir uşaq olub. Onun ən sevdiyi məşğuliyyətləri maşınlarla oynamaq, televizora baxmaq, konstrukturda bina və həyət evləri düzəltməkdir. Məktəbə gedənə qədər o, yazmağı, oxumağı bilirdi. Güclü hafizəyə sahib olan Zeynalın riyazi bilikləri çox yüksəkdir. 5 yaşından məntiqi tesləri müstəqil şəkildə həll etməyi bacarır. Quluzadə Zeynal Milli Qəhrəman Yuri Kovalyovun adını daşıyan 229 saylı tam orta məktəbdə təhsil alır. Dərslərini əla qiymətlərlə oxuyur. Onun ən sevimli fənlər riyaziyyat, məntiq və ingilis dilidir. Məktəblərində keçirilən bütün tədbir və bayram şənliklərinin fəal iştirakçısıdır. Belə ki, Əlifba bayramında torpaqlarını verməyən, vicdanlı "Padşah" obrazını böyük məharətlə canlandırıb. Ayı və Şir səhnəciyində də "Şir" rolunu oynayıb. Daha sonra Yeni il, 9 Noyabr Bayraq bayramı , Son zəng, Xocalı faciəsinə həsr olunmuş tədbirdə aktiv iştirak edib və şeir söyləyib. Zeynal bilik yarışmasında uğurlu nəticələr əldə edib. Onun həyatında ən yadda qalan gün Cumhuriyyətin 100 illiyinə həsr olunmuş yarışda 100 nəfər iştirakçı arasına öz adını yazdıra bilməsi olub. Zeynal bu günə kimi əldə etdiyi uğurlara görə, valideynlərinə və Sevil müəlliminə borclu olduğunu bildirir. Onun xüsusi təşəkkürləri isə nənəsi Nazilə xanımadır. O, Zeynala maddi və mənəvi cəhətdən daim dəstəkçidir. Onun şeir yazmaq qabiliyyəti də var. Bu istedad ona anasından keçib. Gələcəkdə peşəkar, işinin mütəxəssisi olan tikinti mühəndisi olmaq istəyir. Ali təhsilini Amerikada almaq arzusundadır. Asudə vaxtlarında kitab oxumağı, velosiped sürməyi və üzgüçülük ilə məşğul olmağı xoşlayır. Zeynalın ən böyük arzusu işğal altında olan torpaqlarımızı azad görməkdir. O, gələcəyin Hacı Zeynalabdin Tağıyevi olmaq niyyətindədir.
Комментариев нет:
Отправить комментарий