İsmayılova
Ayla Anar qızı 17.07.2009-cu ildə Bakı şəhərində anadan olub. Ayla körpəlikdən
ağıllı, təmkinli, yüksək zəkaya malik və güclü musiqi duyumu olan uşaq olub.
Onun ən sevimli məşğuliyyəti musiqi dinləməkdir. O, yaşının çox az olmasına
baxmayaraq eşitdiyi musiqini sərbəst və
səhvsiz bir şəkildə təkrar etməyi bacarıb. Ayla pianoda ifa etməkdən xüsusi
olaraq zövq alır. Onun musiqiyə olan sevgisi anasının onun ilə musiqi haqqında etdiyi söhbətlərdən sonra
yaranıb. O, məktəbə gedənə qədər yazmağı, oxumağı, hesablamağı bacarıb.
İsmayılova Ayla Bakı şəhəri Nərimanov rayonu 258 saylı tam orta məktəbdə təhsil
alır. Hal-hazırda həmin məktəbin 2-ci sinif şagirdidir. Tədris olunan bütün fənləri
əla qiymətlərlə oxuyur. Sinif əlaçısıdır. Onun ən sevimli fənləri Azərbaycan
dili və riyaziyyatdır. Ayla eyni zamanda Bakı şəhəri 23 saylı 11 illik musiqi məktəbinin
də şagirdidir. O, orta məktəb və musiqi məktəbində keçirilən bütün tədbirlərin,
bayram şənliklərinin fəal iştirakçısıdır. Ayla fortepianoda müxtəlif əsərləri
böyük məharətlə ifa etməyi bacarır. O, 7 may 2018-ci ildə R.Behbutov adına
mahnı teatrında ümummilli liderimiz Heydər Əliyevin 95 illik yubileyinə həsr
olunmuş konsertdə Q.Qarayev adına Simfonik orkestrlə bərabər, respublikamızın
xalq artisti hörmətli dirijorumuz Teymur Göhçayevin rəhbərliyi altında
fortepianoda ifa edib. Bu günə qədər əldə etdiyi uğurlara, nailiyyətlərə görə
musiqi məktəbində ixtisas müəllimi olan peşəkar pedaqoq, ən gözəl insani
keyfiyyətləri özündə toplayan Sevil
Lazimovaya borclu olduğunu bildirir. Onun
gələcək planları bəstələdiyi əsərlərinin
dünyaya səs salacağı görkəmli, tanınmış bəstəkar olmaqdır. İştirak etdiyi müxtəlif
konsertlərdən olan çıxışları internet şəbəkələri vasitəsi ilə yayımlanıb. Ayla
bilik və bacarıqları ilə Vətəninə layiqli, ziyalı şəxsiyyət olaraq formalaşmaq
niyyətindədir.
Комментариев нет:
Отправить комментарий