Xəlilova Gülər Rəşad qızı

Xəlilova Gülər Rəşad qızı 08.10.2008-ci ildə Bakı  şəhərində anadan olub. Gülər körpəlikdə çox sakit, gülərüz və tez qaynayıb-qarışan uşaq olub. Onun ən sevimli məşğuliyyətləri şəkil çəkmək, velosiped sürmək və idman etməkdir. İdmana olan böyük sevgisinin nəticəsi olaraq valideynləri onu gimnastikanın tamblinq növünə yazdırıb . O, dəfələrlə öz yaşıdları arasında 1-ci yeri qazanıb və çoxlu sayda medallara, diplomlara layiq görülüb. Məktəbə gedənə qədər yazıb oxumağı, şeir söyləməyi ve nağıllar danışmağı bacarıb. Buları ona evdə nənələri Nuridə və Solmaz xanım və valideynləri, bağçada isə müəllimləri öyrədib.  İdmana olan marağı ona atasından keçib. Atası Reşad da idmançı olub və Güləri də idman sahəsinə o yönəldib.  O, 4 yaşından etibarən bir çox gimnastik hərəkətləri sərbəst şəkildə icra etməyi bacarıb.  Xəlilova Gülər Rəşad qızı 08.10.2008-ci ildə Bakı  şəhərində anadan olub. Gülər Arif Vəliyev adına 258 saylı məktəbdə təhsil alır. Hal-hazırda  həmin məktəbin 3-cü sinif şagirdidir. Dərslərini əla qiymətlərlə oxuyur. Sinif əlaçısıdır. O, bilik və bacarıqları ilə müəllimlərinin sevimli şagirdi olmağı bacarıb. Gülərin ən sevdiyi  fənlər Azərbaycan dili, riyaziyyat və İngilis dilidir. Məktəblərində keçirilən “Əlifba”bayramında, “Xocalı” və “Şuşa”nın işğalına aid tədbirlərdə aparıcı qismində uğurlu çıxışlar edib. Eyni zamanda “20 Yanvar” hadisələrinə həsr olunmuş  tamaşada “Şəhid Anası” obrazını böyük məharətlə tədbir iştirakçılarına nümayiş etdirib. Gülər gimnastika yarışlarında dəfələrlə 1ci, 2-ci və 3-cü yerləri qazanıb. Medal və diplomlarla təltif olunub.  Gülərin həyatında ən uğurlu günü 26 dekabr 2016- cı ildə ilk qızıl medalını əldə etdiyi gündür. O, bu günə qədər əldə etdiyi uğurlara görə valideynlərinə, müəllimlərinə və məşqçilərinə borcludur. Onun ən böyük hədəfi dünya çempionatında və olimpiya oyunlarında Azərbaycanı layiqli şəkildə təmsil etməkdir.  O, gələcəkdə  peşəkar idmançı və eyni zamanda da  həkim olmaq arzusundadır.  Asudə vaxtlarında  məşq etməyə, velosiped sürməyə və ev tapşırıqlarını həll etməyə üstünlük verir. Onun ən böyük arzusu  olimpiya çempionu olaraq yaddaşlarda qalmaqdır. Gülərin gələcək hədəfləri ali məktəbə daxil olmaq, gimnastika yarışlarında Vətənini ən yüksək səviyyədə təmsil etməkdir.