Məmmədəliyeva Zəhra Hacı qızı

Məmmədəliyeva Zəhra Hacı qızı 8 iyun 2010-cu ildə Bakı şəhərində anadan olub. Zəhra körpəlikdə çox sakit, təmkinli və ağıllı uşaq olub. Onun hərəkətləri, davranışları yaşından çox böyük insan xarakterinə bənzəyirdi. Zəhranın ən sevimli məşğuliyyəti rəqs etmək olub. Yaşının az olmasına baxmayaraq o, çoxlu şeirlər bilirdi. Məktəbə gedənə qədər yazmağı, oxumağı, hesablamağı anası tərəfindən öyrənib. Məmmədəliyeva Zəhra Bakı şəhəri Nərimanov rayonunda yerləşən 258 saylı tam orta məktəbdə təhsil alır. Hal-hazırda həmin məktəbin 2-ci sinifində oxuyur. Dərslərini əla qiymətlərlə oxuyur. Sinif əlaçısıdır. Onun ən sevimli fənləri riyaziyyat, texnologiya, təsviri incəsənət, musiqi və Azərbaycan dilidir. Məktəblərində keçirilən bütün tədbirlərin, bayram şənliklərinin fəal iştirakçısıdır. Zəhra tədris aldığı 1-ci sinifin yekunlaşması münasibəti ilə təşkil olunmuş “Əlifba” bayramında uğurlu çıxışlar edib. Həyatında ən uğurlu günü məktəbə ilk qədəm qoyduğu gündür. O, bilik və bacarıqlarına görə tərifnamələrə layiq görülüb. Zəhra Zəfər kurslarının təşkil etdiyi bilik yarışmasında 455 bal toplayaraq təltifnamə əldə edib. Eyni zamanda  Nömrə 1 kursunun imtahanında 385 bal toplayıb və təltifnaməyə layiq görülüb. Zəhra 1-ci sinfi uğurlu nəticələr ilə əlaçı olaraq bitirdiyi üçün Tərifnamə alıb. Bu günə qədər əldə etdiyi uğurlara, nailiyyətlərinə görə valideynlərinə və müəllimlərinə borclu olduğunu bildirir. O, biliklərini daha da təkminləşdirib alimlik zirvəsinə qədər yüksəlmək istəyir. Zəhra gələcəkdə hansı peşənin sahibi olmasını tam olaraq qərarlaşdırmayıb. O, həm rəssam, həm də həkim olmaq istəyir. Hansı peşənin sahibi olmasından aslı olmayaraq işinin peşəkarı olacağına əmindir. Asudə vaxtlarında rəsm çəkməyi xoşlayır. O, rəqs dərsləri alıb və çox gözəl rəqs etməyi bacarır. Zəhra məktəbi əla qiymətlərlə bitirib, yüksək balla ali məktəbə qəbul olub, Vətəninə xeyirli, ziyalı şəxsiyyət kimi formalaşmaq niyyətindədir.