Cəfərov Tural Cəfərxan oğlu

“Dədə Qorqud” filminin qəhrəmanlarından birinin adını daşıyır bu oğlan. Körpəlikdə ağıllı, düşüncəli, sakit uşaq olub. Velosibed sürməyi, maşın oyuncaqları ilə oynamağı xoşayırdı. Anası ona xeyli şeir öyrətmişdi.

Tural Cəfərxan oğlu Cəfərov 6 may 1990-cı ildə Sabirabad rayon Ulacalı kəndində doğulub. 1996-cı ildə I sinifə Yasamal rayon 199 saylı məktəbə gedib. 2000-ci ildə “Zəngi” liseyinə qəbul olub. 2007-ci ildə Azərbaycan Dövlət Neft Akademyasının neft-qaz mühəndisliyi ixtisasına daxil olub.

Bakıxanov adına 6 saylı Uşaq Musiqi Məktəbinin tar şöbəsində 5 il, 1997-ci ildən etibarən bununla yanaşı fortepiano şöbəsində 3 il təhsil alıb. “Qönçə” festivalında orkestrlə birgə III yer tutub. Bir ilə yaxın idmanın taekvando növü ilə məşğul olub.

Tural: “ - VI sinifdə oxuduqda Azərbaycan dili müəllimim gələckdə hansı ixtisasa yiyələnmək istədiyimi soruşduqda ilk dəfə neftçi olmaq istədiyimi söylədim. Qohumlarımdan neftci olanlar var. Ehtimal ki, bu ixtisası seçməyimdə bunun şüraltı stimulu olub. Birinci sinifdən riaziyyata həvəsim böyük olub. Sonraki illərdə bunu fizika, kimya kimi texniki fənlər təqib edib. Humanitar fənlərdən tarixə də sevgim olub. Türk liseyində oxuduğum illərdə olimpiadalarda, dama yarışlarında iştirak etmişəm. Liseydə keçirilən olimpiadalar biliyimi qiymətləndirmə və artıma nöqteyi-nəzərindən çox faydalı olubdur. Dəfələrlə liseydaxili və məktəblərarası dama yarışlarında I, II, III yerləri tutmuşam. Diplom və medalla təltif olunmuşam. Lisey dönəmlərində sinfimizdə həvəsləndirici fəaliyyətlər də olub. Misal olaraq seçki yolu ilə idarə heyətin qurulması. Sinfin daxili işlər naziri olmuşam. Akademyada qiymətlərim əla və yaxşıdır. Sevdiyim fənlər arasında ixtisas fənlərim və nəzəri mexanikanı ayrı bir yerə qoya bilərəm. BP-nin təyin etdiyi təqaüdə layiq görülmüşəm. 2010-cu ildə ARDNŞ yay məktəbi  lahiyəsinin iştirakçılarından olmuşam. Akademyanın 90 illik yubileyinə həsr olunmuş tələbələrin 55-ci beynəlxalq elmi-texniki konfransında iştirak etmişəm. Konfransın eyni adlı jurnalında məqaləm dərc olunub.

A. Mirzəcanzadə, F. Salmanlı, X. Yusifzadə kimi akademikləri özümə ideal hesab edirəm. Ən azından onların çatdığı elm zirvəsinə çatmağı qarşıma məqsəd qoymuşam.

Bu günə kimi təhsil pillələrində əldə edə bildiyim nailiyyətlərdə müəllimlərimin danılmaz rolu var. İbtidai sinif müəllimim Fəridə xanımı xüsusi qeyd etmək istərdim. Eyni zamanda liseydə və “Araz” kurslarında mənə çox güclü təhsil verən sevdiyim müəllimlərə təşəkkür edirəm. Ramil müəllim, İlqar müəllim, Leyli xanım, Almaz xanım, İsmayıl müəllim, Sədrəddin müəllim və. s.

İxtisasım üzrə xarici ölkələrdə, BP və ya ARDNŞ-də işləmək istərdim. Xoşbəxtlik mənim üçün istəyə çatmaqdır. Həmişə hər şeyin ən yaxşısı ola biləcəyimi düşünmüşəm. Balacalıqda prezdent olacağımı deyirdim. Buna nədənsə heç vaxt inamımı itirməmişəm.

Bakıda gözəl bir restoranda oturmağı, futbol matçını seyr etməyi, internetdə Azərbaycandan və dünyadan xəbərlər oxumağı, yeni texnologiyayla maraqlanmağı xoşlayıram. İlk uğurum I sinifdə oxuyanda tez bir zamanda sinif nümayəndəsi seçilməyim olub. Bunun nə dərəcə də önəmli uğur olduğunu illər sonra müəllimimin bizdən sonraki siniflərdə bu posta layiq birini tapa bilmədiyini öyrənəndə başa düşdüm.

Yaxşılar həmişə tarixin yaddaşında qalır. Hesab edirəm ki, güclü mütəxəssis olmaqla yanaşı ədalətli insan kimi formalaşmağın, tarixin və insanların yaddaşında qalmağında həlledici rolu var.

BP-nin təqaüdünə layiq görülməyim barədə radioda məlumat verilib. ARDNŞ-nin “Yay məktəbi-2010” lahiyəsində iştirakımla bağlı televiziyada və şirkətin mediya orqanı olan “İki Sahil” qəzetində müsahibəm dərc olunmuşdur”.

e-mail: turalcg@rambler.ru. Facebook: Tural Ceferov