Quliyeva Fatimə Feyruz qızı

Növbəti qəhrəmanımızın adı sonuncu peyğəmbərimiz Məhəmmədin (s.ə.s) qızının və nənəsi Fatimənin şərəfinə qoyulmuşdur. Fatimə çox şirin, ünsiyyətcil və istedadlı uşaq idi. Təhsilə və incəsənətə, rəqs etməyə, şeir deməyə, fortepiano çalmağa böyük maraq göstərirdi . Məktəbəqədər dövrdə dərsə həvəsi çox idi. Nənəsinin köməyilə “Əlifba”nın çox hərfini öyrənərək mətnləri oxuya bilirdi. Haqqı sevən, düzgünlüyə böyük qiymət verən bir qız kimi böyüyürdü. Məktəbdə oxuduğu dövrdə sinif yoldaşlarından bir oğlan haqsızlığa uğramışdı, Fatimə onu müdafiə etmək üçün direktorun otağına getmişdi. Direktordan onu məktəbdən çıxarmamağı xahiş etdi və onu öz himayəsinə götürməyə söz verdi. Ona məktəbi müvəffəqiyyətlə bitirməyə sona qədər kömək etdi.

Fatimə Feyruz qızı Quliyeva 1991-ci ildə Bakı şəhərində anadan olub. 1997-ci ildə 27 nömrəli məktəbə daxil olmuş, 2008-ci ildə orta təhsilini başa vurmuşdur. Həmin il Moskva şəhərindəki Rusiya Dövlət Xalqlar Dostluğu Universtetinə daxil olmuşdur. Hazırda həmin universtetin V kurs tələbəsidir. Eyni zamanda Hind klinikasında hüquq məsləhətçisi işləyir. Əlavə olaraq Azərbaycan Sosial “AİD and Avareness Program” cəmiyyətinin fəal üzvüdür.

Hər zaman haqqın, ədalətin tərəfini tutan Fatimə orta məktəbdə yaxşı oxuyub, ən çox humanitar fənlərə meyl göstərib. Yaxşı oxumağının nəticəsi olaraq dəfələrlə təşəkkürnamə ilə təltif olunub. 1993-cü ildə UNİSEF-in təşkil etdiyi “Uşaqlar üçün Dünya Hərəkatı” şüarı altında keçirilən respublika uşaq folklor musiqi festivalında iştirak edib. 2001-ci ildə Azərbaycan Gənclər Birliyinin məktəblilər arasında keçirdiyi ŞHK iştirakçısı olmuşdur. 2002-ci ildə “Səlahiyyətli təhsil” proqramı üzrə I ümumrespublika məktəbinin iştirakçıları sırasında yer almışdır. Eyni ildə gənc pianoçular festivalında iştirak edərək II yerə mükafatlandırılmışdır. 2005-ci ildə Türkiyənin İstanbul şəhərində Türk Gənclərinin festivalında iştirak etmişdir.

Bu gün Fatimənin ən böyük arzusu ixtisasına uyğun olaraq vətənində hüquq işçisi kimi işləmək və ədalətin bərqərar olması üçün dövlətinə xidmət etməkdir.