İmanova Banuçiçək
Fuad qızı 3 noyabr 2008-ci ildə Şirvan şəhərində ziyalı ailəsində
dünyaya göz açıb. Körpəlikdən aktiv uşaq olub. Banuçiçək konstruktordan ev,
maşın, gəmi kimi müxtəlif əşyalar düzəltməyi çox sevir. 3 yaşı olarkən 100-ə qədər saymağı,
bütün hərfləri yazmağı bacarır, çoxlu şeirlər bilirdi. Məntiqi kitablara, şəkil
boyamağa həvəsi vardı. 4 yaşında artıq yazıb-oxuya bilirdi. Hərfləri və rəqəmləri
səsli əlifbadan yazmağı əvvəlcə çap hərflərinə baxmaqla özü öyrənmiş, sonra isə
anası ilə məşğul olaraq yazı yazmağı öyrənmişdir.
O, məktəbə də bilikləri sayəsində imtahan yolu ilə
qəbul olub. O, imtahan aparılarkən işğal olunmuş torpaqlarımızı sadalayıb, düşmənə
olan nifrətini şeirlə bildirmişdi. Məktəbə qədəm qoyduğu zamandan rəqs və rəsm
dərnəklərinə də üzv olub.
Banuçiçək həmişə dərslərinə məsuliyyətlə yanaşır,
çox yaxşı qiymətlərlə təhsil alır. Ən çox sevdiyi fənnlər riyaziyyat,
informatika, Azərbaycan dili və təsviri incəsənət fənləridir.
Banuçiçək üçün ən uğurlu gün imtahandan keçdiyi
gündür. O, bütün bu nailiyyətlərinə görə müəlliminə və valideynlərinə minnətdar
olduğunu bildirir.
Asudə vaxtlarında şəkil çəkməyi çox sevir.
O daha çox oxuyub yüksək savada yiyələnməklə gələcəkdə
həkim-kosmetoloq olmaq arzusundadır.
Комментариев нет:
Отправить комментарий