Bağırova
Ayan Abdul qızı 22 avqust 2009-cu ildə Bakı şəhərində hüquqşünas ailəsində anadan olub. Ayan körpəlikdə aktiv, ətraf
mühitdə baş verən hadisələr ilə maraqlanan, intellekti güclü olan bir uşaqdır.
Onun ən sevimli oyuncaqları jurnallar və qəzetlər olub. Onun bu marağını görən
anası Ayanı 3 yaşı olan zaman Uşaq yaradıcılıq mərkəzinin “Çiçəyim” teatr dərnəyinə
yazdırıb. Müəllimi Rəna xanım onun digər uşaqlardan fərqləndiyini hər zaman
vurğulayıb. Yaşının çox az olmasına baxmayaraq o səhnəciklərdə uğurlu çıxışlar
etməyi bacarıb. Ayan daha sonra bu
yaradıcılıq dərnəyinin rəqs bölümündəki dərslərə qoşulur. Bu sahədə də nailiyyətlər
əldə edərək ailəsinin ona bəslədiyi etimadı doğruldur. Onun xarici dillərə
qarşı marağı lap uşaq yaşlarından başlayıb. Öz istəyi əsasında rus bölməsində təhsil
alır. Daha çox xarici musiqilərə qulaq asmağa üstünlük verir. Ayan məktəbə gedənə qədər yazmağı, oxumağı məktəbəqədər
müəlliminin köməkliyi ilə öyrənib. Bağırova Ayan Milli Qəhrəman Yuri Kovalyovun
adını daşıyan 229 saylı tam orta məktəbdə təhsil alır. Sinif əlaçısıdır. Dərslərinə hər zaman
hazırlıqlı olur. Bütün fənləri sevməsinə baxmayaraq daha çox riyaziyyatı sevir.
Ayan sinif rəhbəri olan Arzu müəllim kimi bir xanımın sinifdə təhsil aldığı
üçün özünü çox şanslı hiss edir. Arzu xanım ona müasir texnologiyaya əsaslanan
yüksək səviyyəli təhsil verməklə yanaşı, onu həyata pozitiv baxmağa və baş verə
biləcək hər hansı bir hadisələrə qarşı müsbət yanaşmasını öyrədib. Həyat dolu,
mehriban, səmimi, fədakar, zövqlü bir müəllimin şagirdi olduğu üçün Ayan çox
xoşbəxtdir. Rus bölməsində təhsil
almasına baxmayaraq Ayan ana dilini çox sevir. O, keçən ilin may ayında 33
saylı musiqi məktəbinə sənədlərini verir və skripka bölümü üzrə bütün
iştirakçıları qabaqlayaraq birincilik əldə edərək ödənişsiz təhsil almaq şansını qazanır.
Hal-hazırda həmin məktəbin 1-ci
sinifinin 5 illik bölməsində musiqi dərsləri alır. Müəllimi Tahirə xanım Ayanın
gələcəkdə çox gözəl musiqiçi ola biləcəyini söyləyir. Ancaq o, gələcəkdə hansı
peşənin sahibi olması ilə bağlı qəti qərara gəlməyib. Ayan 2 ildən artıqdır
“Budokan” karate növünün “Qaraqaplan” klubunun üzvudür, Seymur müəllimdən bu
sahənin sirlərini öyrənir. O hətta kəmər
imtahanlarında da iştirak edərək (III-Kyu) dərəcəsinə qədər yüksəlmişdir. Müəllimi
onun haqqında çox yüksək fikirdədi, gələcəkdə dünya, Avropa, Olimpiyada
oyunlarında uğurlu çıxışlar edə biləcəyinə ümid edir. İstedadı bununlada
bitib-tükənməyən Ayan “Çiçəyim” teatr dərnəyinin üzvü olan zaman Heydər Əliyev
fondunun Buta sarayında təşkil olunana yeni il tədbirində uğurla çıxışlar edib.
Eyni zaman da televizorda müxtəlif uşaq
verilişlərindəki çəkilişlərə qatılıb. Çoxşaxəli istedada, bilik və bacarığa
sahib olan Ayan bu uğurlarını qoruyub saxlayacağına və özünü daha da təkminləşdirəcəyinə
qərar verib.
Bu Azərbaycanın istedadlı yeniyetmə və gənclərinin həyat və fəaliyyətindən bəhs edən "Azərbaycan XXI əsrə istedadlarla" adlı kitab-almanaxının elektron variantıdır.
elan
1. Elan-Elan-Elan:Redaksiyamıza Bakı, Sumqayıt və digər bölgələrdə çalışacaq ştatdankənar müxbirlər tələb olunur. Bir ay sınaq müddəti olacaq. Maraqlananlar aşağıdakı nömrələr və e-maillə əlaqə saxlaya bilərlər.
2. “İstedadlar.biz” redaksiyası və www.istedadlarla.blogspot.com saytı yeniyetmə və gənclər arasında “Vətənimi tərənnüm edirəm” başlıqlı müsabiqə keçirir. Müsabiqə bir neçə yaş qrupunda və bir neçə nominasiyada keçiriləcək. Müsabiqədə xarici ölkələrdə təhsil alan azərbaycanlılar da iştirak edə bilərlər.
Yaş qrupu.
6-9 yaş qrupu
10-13 yaş qrupu
14-17 yaş qrupu
18-24 yaş qrupu
25-29 yaş qrupu
Nominasiyalar
Nəzm və nəsr əsərləri
Rəsm və təsviri incəsənət
İnşalar
Dekorativ tətbiqi sənət
Müsabiqədə iştirak etmək istəyən şəxslər işlərini müsabiqəyə bir neçə üsulla təqdim edə bilərlər.
Bakı şəhəri. Mətbuat pr. 529-cu məhəllə. “Azərbaycan” nəşriyyatı, III mərtəbə , 98-ci otaq. Bu ünvana bilavasitə gətirməklə.
Yuxarıda göstərilmiş ünvana poçt vasitəsilə göndərməklə. “Müsabiqə üçün” qeydi olmalıdır.
guneshjurnali@mail.ru elektron ünvanına göndərməklə.
Müsabiqəyə təqdim edilən işlərdə aşağıdakı məlumatlar mütləq öz əksini tapmalıdır:
İştirakçının soyadı, adı, atasının adı.
Doğum tarixi (gün, ay, il)
Təhsil ocağı və sinfi
Dəqiq yaşayış ünvanı
Ev və mobil telefonu
1 ədəd fotoşəkil
Bakı. Mətbuat pr. 529-cu məhəllə. "Azərbaycan" nəşriyyatı. III mərtəbə. 98-ci otaq.
əlaqə nömrələri: 5382322, 4086820, 4082954 e-mail: guneshjurnali@mail.ru
Комментариев нет:
Отправить комментарий