Bağırzadə Məhəmməd Elnur oğlu

Bağırzadə Məhəmməd Elnur oğlu 7 aprel 2011-ci ildə Naxçıvan şəhərində ziyalı bir ailədə dünyaya göz açıb. Məhəmməd körpəlikdə aktiv, nadinc və ağıllı bir uşaq olub. Onun ən sevimli məşğuliyyətləri kitab oxumaq, pazl qurmaq və şəkilli vərəqləri boyamaq idi. Məktəbə gedənə qədər yazıb-oxumağı bağça və məktəbəqədər hazırlıq müəllimlərinin köməkliyi ilə öyrənib.  Bağırzadə Məhəmməd  Milli Qəhrəman Yuri Kovalyovun adını daşıyan 229 saylı tam orta məktəbdə təhsil alır. Dərslərini əla qiymətlərlə bitirir. Sinif əlaçısıdır. Məktəblərində keçirilən bütün tədbir və bayram şənliklərinin fəal iştirakçısıdır. Belə ki, Əlifba bayramında Dədə Qorqud səhnəciyində rol alıb. 20 Yanvar faciəsinə həsr olunmuş tədbirdə  isə şeir söyləyib. Onun həyatında ən yadda qalan və maraqlı gün məktəbə ilk qədəm qoyduğu gündür. Məhəmməd Bakı şəhəri Nizami rayonu Uşaq gənclər yaradıcılıq mərkəzinin “Biləyənlər” dərnəyində fəal iştirak etdiyi üçün diplomla mükafatlandırılıb. O, çox yaradıcı bir uşaqdır. Kiçik yaşlarından biri-birindən maraqlı hekayələr yazardı. Məhəmməd fəaliyyətindən dolayı əməkdar müəllim olan babası Bağırov Məhəmmədəli bəyə oxşamaq istəyir. O, da babası  kimi ziyalı olmaq arzusundadır. Bu günə qədər əldə etdiyi uğurlara görə valideynlərinə və müəlliminə borclu olduğunu bildirir. Məhəmməd gələcəkdə polis peşəsinə sahib olmaq istəyir. Televizorda şərəflə, vicdanla öz peşələrini yerinə yetirən polis işçilərimizi gördükdən sonra bu qərara gəlib. O, işinin peşəkarı olub, cəmiyyətimizi rüşvətxorlardan, cinayətkarlardan xilas etmək istəyir. Məhəmməd yüksək təfəkkürə malik uşaqdır. Zehni qabiliyyəti olduqca güclüdür. Asudə vaxtlarında rəsm çəkməyi və riyazi tapşırıqları həll etməyi xoşlayır. O, əgər incəsənətin hər hansı bir sahəsi ilə məşğul olsaydı bu yazıçılıq olardı. Xeyirxah, əliaçıq uşaq olması onu yaşıdlarından fərqləndirir. Məhəmmədin  haqqında yazılı mətbuatda da məlumat yazılıb. Belə ki, o, Tumurcuq qəzetində əlaçı uşaq olaraq işıqlandırılıb. O, ölkə adlarını, xəritələri əzbər bilir. Məhəmməd Vətəninə layiqli şəxsiyyət olaraq yetişməyi qarşısına məqsəd qoyub.