Maçanov İsaxan Ronal oğlu

 

Maçanov İsaxan Ronal oğlu 8 sentyabr 2009-cu ildə Bakı şəhərində anadan olub. İsaxan körpəlikdə aktiv, inadkar, ağılı və zehinli bir uşaq olub. Onun özünə məxsus dünyası var. Bu fərdi xüsusiyyətlərə sahib olması onu yaşıdlarından daim fərqləndirib. Onun ən sevdiyi məşğuliyyəti kağız parçalarından müxtəlif fiqurlar düzəltməkdir. Belə ki, o,  zövqunə uyğun olaraq bıçaq, avtomat, qılınc, papaq, təyyarə  hazırlayıb. İsaxanın ən böyük əl işi və uğuru taxta lövhə üzərində  xırda daşlardan “Qız Qalası” inşa etməsidir. Məktəbə gedənə qədər yazmağı, oxumağı hal-hazırkı sinif rəhbəri olan Arzu xanımın köməkliyi ilə öyrənib.  İsaxan yaradıcı bir uşaqdır. Onun maraqlı fantaziyaları və orjinal  ideaları var. Maçanov İsaxan Milli Qəhrəman Yuri Kovalyovun adını daşıyan 229 saylı tam orta məktəbdə təhsil alır. Dərslərini əla qiymətlərlə oxuyur. Bu günə kimi bir dəfə belə olsun 4 qiyməti almayıb. İsaxanın ən sevimli fənləri rus dili, riyaziyyat, informatika, texnologiya və ingilis dilidir. Məktəblərində təşkil olunmuş bütün bayram şənlikləri və tədbirlərdə aktiv iştirak edir. Belə ki, o, Əlifba bayramında, Yeni il şənliyində, Novruz tədbirində şeir söyləyərək, çıxışlar edib. Onun həyatında ən maraqlı günü ailəsi ilə birgə Türkiyə, Gürcüstan səyahətlərinə çıxdığı gündür. O, səyahət etməyi, yeni məkanlar tanımağı, gəzməyi çox sevir. İbtidai təhsilini uğurla başa vurduğu üçün diplamlarla təltif olunub. İsaxanın çox gözəl musiqi duyumu  var. Musiqiyə olan həvəsini görən valideynləri onu gitara kursuna yazdırıb. Yeni il şənliyinə təsadüf edən bu konsertdə o, “Sehirli Simlər” adlı qrupu ilə birgə çıxışlar edib. İsaxan “Caddələrdə Rüzgar”, “Türkün bayarğı”,” Alyazmalım” və s kimi mahnıları böyük məharətlə ifa etməyi bacarır. Fəaliyyətindən dolayı atasına oxşamaq istəyir. İsaxanla atası arasındakı münasibət ata-oğuldan daha çox iki yaxın dost arasındakı münasibətə oxşayır.  Bu günə qədər əldə etdiyi uğurlara görə valideynlərinə və gözəl qəlbli, həyat dolu bir xanım olan Arzu müəlliminə borclu olduğunu bildirir.  İsaxan gələcəkdə polis olmaq istəyir. Televizorda peşəsini şərəflə, vicdanla yerinə yetirən polis işçilərimizi gördükdən sonra bu qərara gəlib.  İncəsənətin əgər hər hansı bir sahəsini seçərdisə, bu komediya  aktyorluğu  olardı. İsaxan bilik və bacarıqlarını daha da təkmilləşdirib Vətəninə layiqli şəxsiyyət olaraq yetişmək istəyir.