Məmmədov
Əli Fuad oğlu 24 fevral 2009-cu ildə Bakı şəhərində anadan olub. Əli körpəlikdən
çox sakit, təmkinli və ağıllı uşaq olub. Yaşının çox az olmasına baxmayaraq
yüksək insani keyfiyyətlərə malik olması, sakitliyi, mehribanlığı onu çevrəsi tərəfindən
daim sevdirib və seçdirib. Məktəbə gedənə
qədər hərfləri, rəqəmləri, yazıb-oxumağı evdə anasının, bağçada isə müəlliminin
köməkliyi ilə öyrənib. Qavrama qabiliyyətinin güclü olması və sakit təbiətə malik olması səbəbindən anasını
heç vaxt incitməyib. Məmmədov Əli Milli Qəhrəman Yuri Kovalyovun adını daşıyan
229 saylı tam orta məktəbdə təhsil alır.
Tədris olunan bütün fənləri əla qiymətlərlə oxuyur, ən sevdiyi fənlər isə
rus dili və riyaziyyatdır. Məktəblərində təşkil olunan bütün tədbir və bayram şənliklərində
fəal iştirak edir. Burada o, səhnəciklərdə
obraz canlandırıb, şeir söyləyib və cudo
fəndlərini nümayiş etdirərək uğurlu çıxışlar edib. Əli bu günə qədər əldə
etdiyi nailiyyətlərə görə valideynlərinə və əməyi danılmaz, fədakar, həyat dolu
bir xanım olan Arzu müəlliminə borclu olduğunu bildirir. Fəaliyyətindən dolayı
atasına oxşamaq istəyir. Gələcəkdə qanun keşikçisi-polis olmaq arzusundadır. O,
peşəkar, işini vicdanla yerinə yetirən, yüksəkixtisaslı kadr olmaq niyyətindədir.
Cinayətkarları, rüşvətxorları cəmiyyətimizdən təmizləyib, ədaləti bərqərar etmək
istəyir. Əli bu fikrə 5 yaşından düşüb. Asudə vaxtlarını çox səmərəli keçirir.
Kitab oxumağa və məşq etməyə üstünlük verir. Onun gələcək planlanları dərslərini
əla qiymətlərlə bitirib, yüksək balla Polis Akademiyasına daxil olmaqdır. O, məşqlərini
bir gün belə olsun axsatmadan, mütəmadi məşqlər edərək, bacarığını daha da təkminləşdirmək
niyyətindədir. Əli Vətəninə, ailəsinə
layiqli övlad olub, cəmiyyətimizə faydalı işlər görmək istəyir.
Bu Azərbaycanın istedadlı yeniyetmə və gənclərinin həyat və fəaliyyətindən bəhs edən "Azərbaycan XXI əsrə istedadlarla" adlı kitab-almanaxının elektron variantıdır.
elan
1. Elan-Elan-Elan:Redaksiyamıza Bakı, Sumqayıt və digər bölgələrdə çalışacaq ştatdankənar müxbirlər tələb olunur. Bir ay sınaq müddəti olacaq. Maraqlananlar aşağıdakı nömrələr və e-maillə əlaqə saxlaya bilərlər.
2. “İstedadlar.biz” redaksiyası və www.istedadlarla.blogspot.com saytı yeniyetmə və gənclər arasında “Vətənimi tərənnüm edirəm” başlıqlı müsabiqə keçirir. Müsabiqə bir neçə yaş qrupunda və bir neçə nominasiyada keçiriləcək. Müsabiqədə xarici ölkələrdə təhsil alan azərbaycanlılar da iştirak edə bilərlər.
Yaş qrupu.
6-9 yaş qrupu
10-13 yaş qrupu
14-17 yaş qrupu
18-24 yaş qrupu
25-29 yaş qrupu
Nominasiyalar
Nəzm və nəsr əsərləri
Rəsm və təsviri incəsənət
İnşalar
Dekorativ tətbiqi sənət
Müsabiqədə iştirak etmək istəyən şəxslər işlərini müsabiqəyə bir neçə üsulla təqdim edə bilərlər.
Bakı şəhəri. Mətbuat pr. 529-cu məhəllə. “Azərbaycan” nəşriyyatı, III mərtəbə , 98-ci otaq. Bu ünvana bilavasitə gətirməklə.
Yuxarıda göstərilmiş ünvana poçt vasitəsilə göndərməklə. “Müsabiqə üçün” qeydi olmalıdır.
guneshjurnali@mail.ru elektron ünvanına göndərməklə.
Müsabiqəyə təqdim edilən işlərdə aşağıdakı məlumatlar mütləq öz əksini tapmalıdır:
İştirakçının soyadı, adı, atasının adı.
Doğum tarixi (gün, ay, il)
Təhsil ocağı və sinfi
Dəqiq yaşayış ünvanı
Ev və mobil telefonu
1 ədəd fotoşəkil
Bakı. Mətbuat pr. 529-cu məhəllə. "Azərbaycan" nəşriyyatı. III mərtəbə. 98-ci otaq.
əlaqə nömrələri: 5382322, 4086820, 4082954 e-mail: guneshjurnali@mail.ru
Комментариев нет:
Отправить комментарий