Tağıyeva Leyla Amil qızı

Tağıyeva Leyla Amil qızı 16 oktyabr 2010-cu ildə Naxçıvan şəhəri Şərur rayonu Siyaqut kəndində ziyalı bir ailədə anadan olub. Leyla körpəlikdə  ağıllı, aktiv, intiusiyalı, yaranan hər bir çətin vəziyyətdən asanlıqla çıxa bilmə qabiliyyətinə malik bir uşaq olub. Məktəbə gedənə qədər yazıb-oxumağı 2 yaşından etibarən anasının köməkliyi ilə öyrənib. O, 3 yaşı olan zaman ailə üzvlərinin adlarını səhvsiz yazmağı bacarırdı.  Tez dil açıb, danışıb. Zehni qabiliyyəti olduqca güclü olan Leyla yaşının çox az olmasına baxmayaraq bir çox şeirləri əzbər bilirdi. Onun anası müəllimdir. Bir gün icmal yazan zaman balaca Leyla anasının əlinə diqqətlə baxaraq onun yazısının eynisini təqlid etmişdir. Ziyalı müəllim ailəsində böyüməsi onun da təhsilə olan həvəsini hər gün bir az daha artırırdı. Tağıyeva Leyla Milli Qəhrəman Yuri Kovalyovun adını daşıyan 229 saylı tam orta məktəbdə təhsil alır. Sinif əlaçısıdır. Tədris olunan bütün fənləri sevməsinə baxmayaraq daha çox riyaziyyatı, fiziki tərbiyəni və  həyat bilgisini sevir. Hələ ibtidai sinifdə təhsil almasına baxmayaraq o, kimya və fizika elmindən də məlumatlıdır. Bu fənlərə qarşı artıq indidən onda sevgi və maraq yaranıb. Leylada  bu sevgi və maraq boş yerə yaranmayıb onun babası  əməkdar müəllim olan Hüsenyəliyev Mehdi bəy bu elmin mütəxəssisidir. Əldə etdiyi uğurlara görə ailəsinə və müəlliminə borclu olduğunu bildirir. Məktəblərində təşkil olunan bütün bayram şənlikləri və tədbirlərdə aktiv iştirak edir. Belə ki, o, Əlifba bayramında Tık-Tık xanım, Turp nağılında nənə obrazında, Yeni il şənliyi, Novruz bayarmına həsr olunmuş tədbirlərdə, Payız fəslinə aid şənlikdə və Meyvələrədən bəhs edən bayramda uğurlu çıxışlar edib.  Onun həyatında ən yadda qalan gün sınaq imtahanında yüksək bal toplayaraq, atası tərəfindən rolik hədiyyə olunduğu gündür. Leyla fəaliyyətindən dolayı nənəsi Nəzərova Gülbəniz xanıma oxşamaq istəyir. Nənəsi təhsil işçisidir. Bu günə qədər peşəsini vicdanla, şərəflə yerinə yetirən və gələcəyimizə savadlı nəsillər yetişdirən bir müəllimin nəvəsi olmaq qürur vericidir. O, gələcəkdə ürək həkimi olmaq arzusundadır. 3-4 yaşlarından bu qərara gəlib. Anasının ona aldığı həkim oyuncaqlarından sonra həkimlik peşəsinə qarşı onda böyük maraq yaranıb. Leyla əgər incəsənətin hər hansı bir sahəsi ilə məşğul olsaydı, o, balerinalığı seçərdi. Asudə vaxtlarında qardaşı ilə oynamağı, bacısına dərslərində kömək etməyi və hətta anasına da ev işlərində yardım etməyi xoşlayır. Leyla Vətəninə, ailəsinə xeyirli bir şəxsiyyət olaraq formalaşmaq istəyir.