Aslanova Ləman İlqar qızı

 

 

Aslanova Ləman İlqar qızı 11 oktyabr 1997-ci ildə Bakı şəhərində dünyaya gəlib. Azərbaycan Milli Konservatoriyanın nəzdində Respublika İncəsənət Gimnaziyasının məzununudur

Azərbaycan xalqının mədəniyyəti və incəsənəti çoxəsrlik tarixə malikdir. Onu qoruyub saxlamaq hər bir gəncin mənəvi borcudur. İncəsənət milli sərvətimizdir. Azərbaycan rəssamlıq sənəti tarixində öz imzası ilə tanınan istedadlı rəssamlarımız yetərincədir. Onların əsərləri nəinki ölkəmizdə, xaricdə də müxtəlif sərgilərdə nümayiş etdirilir.

Belə istedad sahiblərindən biri də Azərbaycan Milli Konservatoriyası tərkibində Respublika İncəsənət Gimnaziyasının təsviri və tətbiqi sənət şöbəsinin XI sinif şagirdi (məzunu) Ləman Aslanovadır.

Kiçik yaşlarından rəsmə maraq göstərən Ləman çəkdiyi şəkilləri ilə valideynlərinin diqqətini çəkib. Hələ 2 yaşı olanda rəngli qələmləri ilə çəkdiyi şəkillərində öz uşaq dünyasını kağız üzərində əks etdirirdi. Uşaq yaşlalında nağıllara qulaq asmağı xoşlayan Ləman nağıl qəhramanlarını öz aləmində canlandırır və onları rəsmlərində çəkirdi. Böyüdükcə valideynlərinin diqqəti sayəsində daha böyük nailiyyətlər əldə etməyə başlayır. Anasının köməyi ilə kuklaları üçün geyimlər biçir və tikir.

Erkən yaşlarından valideynləri tərəfindən oxumaq və yazmaq öyrənən Ləmanda kitablara sevgi daha da artır. Boş vaxtlarını kitab oxumaqla keçirən Ləman, gəlinciklərinə müxtəlif paltarlar tikmək, muncuqlarla, qaşlarla əl işləri, cürbəcür bəzək əşyaları (sırğa, üzük, boyunbağı, bilərzik), aksesuarlar hazırlamağı da unutmur və vaxtının bir hissəsini buna ayırırdı.

Vaxt keçdikcə Bakımızın və ölkəmizin digər ecazkar gözəl guşələrini qarışbaqarış gəzmək, o füsunkar gözəlliklərlə tanış olmaq Ləmanın gələcəkdə istedadlı rəssam kimi yetişməsində öz tövhəsini verir.

Qızının bu bacarığını diqqətə alan anası Lalə xanım onu hələ 4 yaşından Azərbaycan Milli Konservatoriyası tərkibində Respublika İncəsənət Gimnaziyası nəznində təşkil edilən dərnəklərə yazdırır. Və bu vaxtdan da o müəllimələrinin köməkliyi ilə bir rəssam kimi formalaşmağa başladı.

O, birinci sinifdən Azərbaycan Milli Konservatoriyası tərkibində Respublika İncəsənət Gimnaziyasının şagirdi olub.

Gimnaziyada oxuduğu müddətdə riyaziyyat, biologiya, tarix, xarici dillərlə birgə rəssamlığa da böyük marağı olan Ləman, həm də müasir modaya, dekorativ tətbiqi sənətə çox böyük üstünlük verməyə başlayır.

Əsasən gənclərimizi müasir dəbdə, modada geyinməyə səsləyən Ləmanın geyim kolleksiyası daim öz rəngarəngliyinə, müxtəlifliyinə, aktuallığına görə fərqlənir. Nəfis bəzənilən naxışlar, muncuqlarla işləmələr, strazlar yalnız əl işidir. Hər paltarın yaradılmasına böyük vaxt və əl əməyi sərf olunur. Dəqiq həndəsi xətlər, gözəl bəzəklər ipək, şifon kimi parçalarda çox ahəngdar şəkildə tətbiq olunur.

Dekorativ-tətbiqi incəsənət sahəsində də Ləman böyük uğurlar əldə edməkdədir. Dekorativ-tətbiqi incəsənət sahəsində tarixə nəzər salsaq görərik ki, qədim zamanlardan insan onu əhatə edən dünyanın gözəlliyinə meyl edirdi. Bu məqsəd ilə sadə parçalar üzərinə tikili naxışlar və təsvirlər çəkilirdi.

Naxış, bəzək və rəsmlərində məxsus оlduğu xalqın mənəvi aləmi, yaşayış tərzi bədii – еstеtik görüşləri adət və ənənələri əks оlunur. Ən еrkən çağlardan əsrlər bоyu xalqların mühüm, bir çоx xalq üçün isə əsas bədii yaradıcılıq sahəsinə çevrilmişdir. Bu incəsənət növünün əsasını təşkil edən ornamental kompozisiya çoxəsrlik dövr keçərək zəngin çalarlar və müxtəlif motivlər əldə etmişdir.

Azərbaycan xalqının zəngin bədii irsinin bir növ göstəricisinə çevrilmiş kompozisiya elementlərindən olan - ornamentlər nəsldən - nəslə keçərək yerli sənətkarların əsrlərində yaşamış və günümüzədək gəlib çatmışdır. Xalq sənətkarının yaradıcılığından fərqli olaraq müasir rəssam öz ideyalarını həyata keçirməkdə sərbəstdir.

Ləman da yeni əsərlərini yaradarkən material, forma və rənglər üzərində cəsarətlə təcrübə aparır və çox da gözəl nəticələr əldə edir.

Özünə, öz işinə çox məsuliyyətlə yanaşan Ləmanın rəssamlıq, geyim dizaynı və dekorativ – tətbiqi incəsənət sahəsində gördüyü bütün işlər onun bacarıqlı, qabiliyyətli, böyük fantaziyaya malik olduğunu göstərir. Yaratdıqlarında çox məharətlə Azərbaycan milli mədəniyyəti və Qərb mədəniyyəti cizgilərinin təmasını əks etdirə bilir.

Azərbaycan Milli Konservatoriyası tərkibində Respublika İncəsənət Gimnaziyasının XI sinif şagirdi (məzunu) olan Ləman Aslanova eyni zamanda dərs əlaçısıdır. O, məktəbin ictimai işlərində də fəal iştirak edir.

“Xüsusi istedada malik olan uşaqların potensialının üzə çıxarılması”, “Sualtı aləm-2009”, “Gül bayramı”, “Mən musiqini çəkirəm”, “Bayrağımız qürur mənbəyimizdir”, “Norveç uşaqların gözü ilə”, “Əsrin  Ziyalıları”, “1 iyun - Uşaqların Beynalxalq müdafiəsi Günü”, “İstedadlı Uşaqlar Festivalı -2013”, “İslam Dünyasının Uşaqlar və Urbanizasiya Problemləri”, “Dekorativ tətbiqi sənət”, Holllandiya Krallığının “İncəsənət Müsabiqəsi”, “Azərbaycan Milli Geyimləri Rəssamların gözü İlə”, dahi rus şairi, dramaturqu Mixail Yuryevic Lermontovun anadan olmasının 200 illik yubileyi münasibətilə kecirilmiş Resbuplika müsabiqəsində “Rəsm” nominasiyasında, “Amerika mənim gozlərim ilə”, “Nar” festivalında, Moskvada keirilən «Qış nagılı» sərgisində, “Yurdumuza Bahar gəlir”, “Uşaqlar və müharibə”, “Xocali Soyqırımı” sərgilərində və geyim nümayişlərində  iştirak edən Ləman çox böyük naiyiyyətlər əldə edib.

Onun təhsil aldığı məktəbdə dəfələrlə fərdi rəsm sərgiləri keçirilib. 70-ə yaxın rəsm əsərləri ölkəmizdə, bir çox xarici ölkələrdə nümayiş olunub və diplomlarla mükafatlandırılıb.

Diplomları:

                     1.       2008-ci il - İncəsənət Gimnaziyasında fərdi sərgisi (DİPLOM);

                     2.       11 mart 2008-ci il - Dövlət Proqramı çərçivəsində “Xüsusi istedada malik olan uşaqların potensialının üzə çıxarılması üzrə” keçirilən sərgi (FƏXRİ FƏRMAN);

                     3.       2009-ci il - Ukraynanın Donetsk səhərində XX Beynəlxalq Uşaq yaradıcılığı festivalında “Sualtı aləm-2009” mövzusunda keçirilən tədbir (DİPLOM);

                     4.       6 may 2009-cu il - “Gül bayramında” Fəal iştirakına görə” (DİPLOM);

                     5.       24 may 2009-cu il - Türkiyədə keçirilən “Ortak Sergi ve Ortak Konser” adlı musabiqə (DİPLOM); (iki əsəri İzmir Anadolu Güzel Sanatlar liseyinde yer tutur); 

                     6.       30 aprel 2010-cu il - “Mən musiqini çəkirəm” adlı rəsm müsabiqəsinin qalibi (FƏXRI FƏRMAN);

                     7.       4 may 2010-cu il - Yasamal rayonu Icra Hakimiyyətinin keçirdiyi Ulu Öndər Heydər Əliyevin anadan olmasının 87-ci ildönümünə həsr olunmuş “Gül bayramının” ən gözəl gül rəsminə görə (DİPLOM);

                     8.       10 may 2012-ci il - Umummilli Lider Heydər Əliyevin 89-cu ildönümünə həsr olunmuş sərgidə geyim nümayişində iştirakina görə (DİPLOM);

                     9.       09 noyabr 2012-ci il - Azərbaycan Respublikası Nazirlər Kabineti yanında Dovlət Bayrağı Meydanı Kompleksi İdarəsinin, Azərbaycan Respublikası Təhsil Nazirliyinin və İdman Nazirliyinin birgə keçirdikləri “Bayrağımız qürur mənbəyimizdir” rəsm müsabigəsində fəal iştirak etdiyinə görə (SERTIFIKAT);

                   10.     7 may 2013-cü il - Fərdi sərgidə iştirak (FƏXRI FƏRMAN);

                   11.     21 may 2013-cü il - Norveç Respublika qünündə “Norveç uşaqların gözü ilə” müsabiqəsində iştirak. Norveç səfiri tərəfindən (DİPLOM);

                   12.     29 may 2013-cü il - “Əsrin  Ziyalıları” Xeyriyyə İctimai Birliyin sədri M. M. Abbasova tərəfindən ölkədən kənarda keçirilən sərgilər zamanı qalib olduğuna görə ilin ən gənc rəssamı adına laiq qörülüb (FƏXRİ DİPLOM);

                   13.     31 may 2013-cü il - “1iyun - Uşaqların Beynalxalq müdafiəsi Günü” münasibəti ilə Gənclər üçün Təhsil Mərkəzi tərəfindən təşkil olunmuş 1-ci Uşaq Yaradıcılıq Festivalında fəal iştirak (DİPLOM);

                   14.     1 iyun 2013-cü il - Azərbaycan Respublikasının Ailə, Qadın və Uşaq Problemləri üzrə Dövlət Komitəsi tərəfindən kecirilən “İstedadlı Uşaqlar Festivalı -2013”. Qazandıgı uğurlarına görə komitənin sədri Hicran xanım Hüseynova tərəfindən təltif (DİPLOM);

                   15.     11 noyabr 2013-cü il - Azərbaycan Respublikasının Ailə, Qadın və Uşaq Problemləri üzrə Dövlət Komitəsinin sədri Hicran xanım Hüseynova tərəfindən “İslam Dünyasının Uşaqlar və Urbanizasiya Problemləri” İslam Təhsil, Elm və Mədəniyyət Təşkilatına (İSESKO) üzv ölkələrin uşaq məsələləri üzrə məsul nazirlərinin 4 konfransı çərçivəsində nümayiş olunmuş sərgidə fəal iştirak (DİPLOM);

                   16.     16 dekabr 2013-cü il - Azərbaycan Respublikası Təhsil Nazirliyi tərəfindən kecirilmiş uşaq və gənclərin əl işlərinin respublika müsabiqəsində “Dekorativ tətbiqi sənət” nominasiyası üzrə Yaradıcılıq nailətlərinə görə I yer. Azərbaycan Respublikası Təhsil Nazirliyi cənab Mikayıl Cabbrov tərəfindən təltif (DİPLOM);

                   17.     Aprel 2014-cü il - Holllandiya Krallığının Kralının doğum günü münasibətilə təşkil olunan “İncəsənət Müsabiqəsində” iştirak (SERTİFİKAT);

                   18.     3 dekabr 2014-cü il - Azərbaycan Respublikası Mədəniyyət və Turizm Nazirliyi Mədəniyyətşünaslıq üzrə Elmi-Metodiki Mərkəzdən “Azərbaycan Milli Geyimləri Rəssamların gözü İlə” Respublika sərgisində iştirak (FƏXRİ FƏRMAN);

                   19.     18 dekabr 2014 - ci il - Azərbaycan Milli Konservatoriyası tərkibində Respublika İncəsənət Gimnaziyasının şaqirdi Ləman Aslanova, dahi rus şairi, dramaturqu Mixail Yuryevic Lermontovun anadan olmasının 200 illik yubileyi münasibətilə kecirilmiş Resbuplika müsabiqəsində “Rəsm” nominasiyası üzrə Azerbaycan Respublikası Təsil Nazirliyi Yaradıcılıq nailiyyətlərinə görə II-ci yer (DİPLOM);

                   20.     10 – 14 mart 2015 - ci il – Azərbaycanda kecirilən “Amerika mənim gozlərim ilə” müsabiqəsində fəal iştirak (DİPLOM);

                   21.     06 may 2015-ci il – Yasamalı İcra Hakimiyyətinin təşkil etdiyi Umummilli Lider Heydər Əliyevin 92-ci ildönümünə həsr olunmuş “Gül bayramı”nda fəal iştirakına görə  (DİPLOM);

                   22.     18 dekabr 2015 – ci il “Nar” festivalı çərçivəsində keçirilən tədbirdə fəal iştirakına göre (FƏXRİ FƏRMAN);

                   23.     2015 – ci il - Moskvada keirilən «Qış nagılı» sərgisində feal iştirakina gore (DİPLOM);

                   24.     7 iyun  2016 –cı  il - Azərbaycan Respublikası Təhsil Nazirliyi Azərbaycan Milli Konservatoriyası Tərkibində İncəsənət Qimnaziyası “Yurdumuza Bahar gəlir” moda nümayişində uğurla iştirak etdiyinə görə (FƏXRİ FƏRMAN);

                   25.     22 fevral 2012-ci il - Xocalı soygırımı-20 “Uşaqlar və müharibə” məktəblilərin rəsm əsərlərinin sərgisinin qalibi və şəkili Heydər Əliyev fondunun vitse-prezidenti Leyla xanım Əliyevanın rəhbərliyi ilə Avropaya digər şəkillərlə birlikdə göndərilmiş və “Uşaqlar və müharibə”, “Xocali Soyqırımı” Avropa Ensiklopediyasına salınıb;

                   26.     Polşada kecirilən müsabiqənin laureatı adına layiq qörulüb (DİPLOM);

Üzeir Hacibəyovun 125-illiyinə həsr olunmuş sərgidə iştirak və jurnalda rəsmi yer tutub.

Ləmanın bir neçə əsərləri Fransa, Cexoslovakiya, Moskva, Ukraina, Yaponiya və s. ölkələrə göndərilib. 

Onun haqqında telekanallarda çəkilişlər, yerli və xarici jurnallarda, müxtəlif saytlarda məqalələr yazılıb, rəsmləri çap olunub.

Televiziya kanallarında:

                                 1.         Lider Televiziya kanalı. Ləmanı haqqında çəkiliş. 24.05.2016;

                                 2.         ATV Televiziya kanalı. “Yurdumuza Bahar gəlir!” moda nümayişi.

Saytlarda:

1.        Художница Ляман Асланова, поразившая мир своими работами - ИНТЕРВЬЮ – ФОТО  http://news.day.az/culture/792321.html

2.        Heydər Əliyevin portretlərini çəkən gənc rəssam: “Arzum Rəssamlıq Akademiyasına qəbul olmaqdır”  http://azinforum.az/heyd%C9%99r-%C9%99liyevin-portretl%C9%99rini-c%C9%99k%C9%99n-g%C9%99nc-r%C9%99ssam-arzum-r%C9%99ssamliq-akademiyasina-q%C9%99bul-olmaqdir/

3.        Qabiliyyət əngəl tanımaz…  http://newsbaku.info/post/43017-qabiliyyet-engel-tanimaz.html           

4.        Heydər Əliyevin portretlərini çəkən gənc rəssam: “Arzum Rəssamlıq Akademiyasına qəbul olmaqdır”  http://diaspora.az/?p=5106

5.        Qabiliyyət əngəl tanımaz  http://herbiand.az/?p=10330

6.        Moda insan cəmiyyətinin maddi və mənəvi həyatının vacib hissəsidir. http://jia.az/article/58/Moda_insan_c%C9%99miyy%C9%99tinin_maddi_v%C9%99_m%C9%99n%C9%99vi_h%C9%99yat%C4%B1n%C4%B1n_vacib_hiss%C9%99sidir.html

Kitablarda:

                     1.       Avropa Ensiklopediyası “Uşaqlar və müharibə”, “Xocali Soyqırımı”;

                     2.       2012-ci il. - “Üzeyir Hacıbəyovun anadan olmasının 125 illik yubileyinə həsr olunmuş Təfiri və Tətbiqi sənət şöbəsinin şağirdlərinin əl işlərindən ibarət Kataloq”;

                  3.         2012-ci il. – “Azərbaycanın uşaq təsviri sənəti” Ensiklopediyası;

                  4.         10.01.2012-ci il - “Azerbaycanin 100 istedadlı uşaqları” Ensiklopediyası.

                  5.         3-6 12.2014 “Azərbaycanın milli geyimləri rəssamların gözü ilə” Kataloq (Azərbaycan Respublikası Mədəniyyət və Turizm Nazirliyi Respublika sərgisi,)

Qəzet və jurnallarda:

                   1.        Azərbaycan müəllimi qəzeti “İncəsənət Gimnaziyası Milli – mənəvi dəyərlərimizin keşiyində”. 20.02.2016-cı il / №7 http://muallim.edu.az/content/?category=arxiv&issue=07&content_id=39

                   2.        Azərbaycan müəllimi qəzeti “Arzum Rəssamlıq Akademiyasının tələbəsi olmaqdır” 16.04.2016-cı il/ №14

http://muallim.edu.az/content/?category=arxiv&issue=14&content_id=34

                   3.         sentyabr-oktyabr 2009-cu il - Yuva jurnalı;

                   4.         31 may 2013-cü il - Əsrin ziyalıları qəzeti;

                   5.         2009-cu il – Azərbaycan jurnalı (Panorama Azərbaydjana)

Onun bu nailiyyətlərinin əldə edilməsində Azərbaycan Milli Konservatoriyası tərkibində Respublika İncəsənət Gimnaziyasının professor və müəllim heyəti, əsasən də xalq artisti, professor, bəstəkar, Azərbaycan Milli Konservatoriyasının rektoru Siyavuş Kərimi, direktor Zəhra Aquli, direktor müavini, təsviri və tətbiqi incəsənət şöbəsinin rəisi Kəmalə Kərimova, rəsm müəlliməsi Böyükxanım Dadaşova və moda müəlliməsi Amina Dadaşovanın çox böyük əməkləri olmuşdur.

            Gələcəkdə dahi rəssamların bizə qoyub getdikləri zəngin sənət nümunələrindən yararlanaraq özünü tapmaq istəyir. Tanınmış rəssam kimi səsinin nəinki Azərbaycandan, həm də bütün dünyadan gəlməsini və  Azərbaycan bayrağını ən yüksək zirvələrə yüksəltmək arzusundadır.

Asudə vaxtlarında gəzmək, film seyr etmək, dostlarıyla əylənmək və əlbətdə ki, rəsm çəkməyi xoşlayır. Rəsmlərində daha çox təbiətə üstünlük verir.

Gələcək planlarında əsas Rəssamlıq Akademiyasının tələbəsi olmaq və ancaq zirvələrə qalxmaqdır. Hər kəsə sübut etmək istəyir ki, əngəlli (əlil) olmaq cəmiyyətdən kənara çəkilmək üçün şərt deyil, əksinə cəmiyyətə qarışmaq və bu cəmiyyətin bir parçası olmaq, ölkəsi və xalqı üçün yararlı bir vətəndaş olmaq mümkündür. 

Ləman Aslanovanın 2010, 2013-2016-cı il tarixlərdə Azərbaycan Milli Konservatoriyası tərəfindən Azərbaycan Respublikası Təhsil nazirliyinə “Prezident təqaüdü”nə namizədliyi barədə təqdimat təqdim olunub.

Hazırda “Prezident təqaüdü”nə namizəddir.

Ləmanın ən böyük arzusu Azərbaycan Dövlət Rəssamlıq Akademiyasının tələbəsi olmaqdır.