Mustafayev Hüseyn İlqar oğlu

 

Mustafayev Hüseyn İlqar oğlu 26.03.2002 tarixində Bakı şəhərində dünyaya gəlib. Hüseyn ilk təhsilini Bakı Bakıxanov qəsəbəsindəki Fikrət Tağıyev adına 72 nömrəli məktəbdə alıb. Hazırda o təhsilini Almanıyanın Regensburq şəhəri, Laaber qəsəbəsində Mittelschuledə davam etdirir.

Hüseyn uşaqlıqdan sakit və ağıllı uşaq olub, oyuncaq maşınlarla və topla oynamağı xoşlayırdı. Oyuncaqların içərisində nə olduğu onu maraqlandırırdı, buna görə də əlinə keçən oyuncaqlar sökülüb-yığılmalı idi. Qardaşı ilə dalaşır, bəzən də oyun oynayanda cığallıq edərdi.Anası və atası Hüseynlə hələ məktəbə getməzdən əvvəl məşğul olmuş və ona  yazmağı, oxumağı öyrətmişdilər. Qəhrəmanımız 5, 6 yaşlarında turnikdə çəkinməyi, əlləri üstə jim etməyi bacarırdı. Bu idman hərəkətləri ona atası tərəfindən öyrədilmişdir. Atası deyir ki, “Hüseyn fiziki gücə malik idi.”

Dərslərində fəal olan qəhrəmanımızın daha çox sevdiyi fənlər bunlardı: riyaziyyat, biologiya, alman dili, ingilis dili və idman. Hüseyn deyir ki, “mənim Almaniyada qiymətlərim 1 və 2-dir. Almaniyada 1 5, 2 isə 4 deməkdir.”

Hüseyn Hallowen (Qorxu bayramı), Fasching (Rəng bayramı), Ostern (Paska bayramı) bayramlarında iştirak edib. Hallowen bayramında zombi geyimində iştirak edərək müəllimləro tərəfindən dəyərləndirilmişdir. Hüseynə  ünvanladığımız “Əldə etdiyin uğura görə kimə borclusan və kimə oxşamaq isərdin?” sualına “mən həmişə atama və anama borcluyam. Onlar hər zaman mənim dayağım olub və məni həmişə dəstəkləyiblər. Mən təbii ki, atama oxşamaq istəyirəm!” belə cavab verdi.

Hüseyn gələcək fəaliyyəti barədə bunları dedi: “mən ən yüksək zirvəyə və pilləyə qədər qalxmağı istəmişəm. Vaxtı gələndə peşəkar polis zabiti olamq istəyirəm. Mən bu məqsədimə nail olmağa özümə söz vermişəm. Polis zabiti olmaq fikrinə isə Almaniyada təhsil aldığım zaman, 2016-cı ildən düşmüşəm. Mən bu sənətə yiyələnməklə xalqıma xidmət etmək istəyirəm. Boş vaxtlarımı səmərəli keçirməyi xoşladığımdan bədii əsrərlər oxuyur, idmanla məşğul olur, futbol oynayır, velosiped sürür və üzgüçülük hovuzunda üzürəm. Mən tarixin yaddaşında iz qoymaq üçün yaxşı dövlət xadimi olmaq, millətimin haqqı olan Qarabağ torpaqlarını geri qaytarmaq və dövlət müstəqilliyini qoruyub saxlamaq istərdim. Mən Almaniyada musiqi dərnəyində ingilis və alman dillərində yaxşı mahnı oxuduğum üçün şəklim qəzetdə nəşr edilmişdir.”