Rüstəmov Haqq Səhraf oğlu

Rüstəmov Haqq Səhraf oğlu 24 aprel 1996-cı ildə Bakı şəhərində anadan olub. Körpəlikdə çox sakit, sözəbaxan,  həmyaşıdlarından bilik və bacarığına görə seçilən uşaq olub. Sevdiyi məşğuliyyət maşın sürmək, cizgi filmlərinə baxmaq olub.

Məktəbə gedənə qədər anasının köməyilə yazıb-oxumağı öyrənib. Uşaq bağçasında isə müəllim məşğul olub. Hətta ingilis dilini  də öyrənməyə çalışırdı.

Təsviri incəsənətə, musiqiyə marağı lap uşaq bağçasına gedərkən oyanıb. Hətta bağçada uşaqlar oyuncaqlarla oynayanda Haqq şəkil çəkərdi. Bir gün atası ilə parkda gəzərkən böyüklərin şahmat oynadığını görərək onlara yaxınlaşır. Diqqətlə onların oyunlarına baxır, atasına ona da belə şahmat taxtası almasını xahiş edir və evə gələndə özləri ilə şahmat taxtası alıb gətirirlər. Elə o gündən evdə hər gün şahmatla məşğul olur.

İlk təhsilini 5 saylı gözdən əlillər məktəbində alıb. Hazırda həmin məktəbin XI sinfində oxuyur. Dərslərini yaxşı oxuyur, şəkli “Şərəf lövhə”sində olub.

Ən sevimli fənnləri tarix, Azərbaycan dili, ədəbiyyatdır.

Demək olar ki, məktəbin bütün tədbirlərində fəal iştirak edir. Yeni il şənliklərində aparıcı, Novruz şənliyində tamaşalarda müxtəlif rollarda çıxış edib. H. Əliyevin doğum gününə həsr olunmuş tədbirdə şeir müsabiqəsinin iki dəfə qalibi olub. Bundan başqa məktəbdə keçirilən M. Arazın, Vüqar Əhmədin yaradıcılığına həsr olunmuş tədbirlərdə şeir söyləyib.

Həyatında ən maraqlı, uğurlu gün və hadisələr çox olub. Azərbaycandan kənarda hər şahmat oyununda qazandığı qələbə onun üçün ən uğurlu gündür. Ən uğurlu, yaddan çıxmayan günü isə 2009-cu ildə Rusiyanın Penza şəhərində keçirilən şahmat turnirində Azərbaycana ilk qızıl medal gətirdiyi gündür.

Onun şahmatda uğurları çox olub. İstər Azərbaycanda, istərsə də Avropada vətənimizi layiqincə təmsil edib. 2007-ci ildə Moskvada, 02.10.2007-ci ildə Rusiya Federasiyasının Krasnodar vilayətinin Adler şəhərində uşaqlar arasında keçirilən şahmat turnirində II yerin qalibi olaraq, gümüş medala layiq görülüb.

2009-cu ilin oktyabrında yenidən Adlerdə keçirilən beynəlxalq şahmat turnirində III yerə yüksəlib.

Dekabrın 25-də göstərdiyi yüksək nəticələrə görə Gənclər və İdman Baş İdarəsinin rəisi R. Abbasov tərəfindən fərqlənmə diplomuna layiq görülüb. 2010-cu ildə “Qafqaz-Media” İctimai Birliyinin sədri Azadə Taleh tərəfindən “İlin ən yaxşı şahmatçısı” diplomu ilə təltif olunub. 2011-ci ilin mayın 6-da Heydər Əliyevin anadan olmasının 88-ci ildönümünə həsr olunmuş turnirdə fərqləndiyinə görə diploma layiq görülüb. 24.02.2012-ci ildə Hollandiyada şahmat turnirində II yerə çıxıb. 2013-cü ildə “Qafqaz-Media” İctimai Birliyinin təsis etdiyi “Vicdanlı qələm” mükafatına layiq görülüb. 2013-cü ildə Akademik Zərifə Əliyevanın 90 illiyinə həsr olunmuş gözdən əlil uşaq, yeniyetmə və gənclər arasında keçirilən respubilka çempionatında I yer tutub. İyunun 1-də Ailə, Qadın və Uşaq Problemləri üzrə Dövlət Komitəsi tərəfindən “İstedadlı Uşaqlar Festivalı - 2013” mükafatına layiq görülüb. 21-25 iyul 2014-cü ildə Ailə, Qadın və Uşaq Problemləri üzrə Dövlət Komitəsi tərəfindən “Öyrən, idarə et, lider ol” mövzusunda keçirilən təlimdə fəal iştirakıma diploma layiq görülüb.

Əldə etdiyi naliyyətlərə görə birinci növbədə valideynlərinə, şahmatda ona böyük köməklik edən məşqçisi Gennadi Gelmana və maddi-mənəvi dəstək verən hər kəsə borclu olduğunu deyir.

Aynur Sofiyevaya bənzəmək istəyir Haqq, həm bir vətəndaş kimi, həm də bir dövlətinə xidmət edən insan kimi. Fəaliyyətdə zirvə yoxdur. Həmişə yüksək zirvədə, pillədə olmaq istəyir  və var qüvvəsiylə çalışır  ki, istəyinə çatsın.

Gələcəkdə millət vəkili olmaq istəyir. 2014-cü ilin noyabrında III ümumrespublika uşaq formunun iştirakçısı olub. Bakı Dövlət Universitetinin hüquq fakültəsinə hazırlaşır.

Asudə vaxtlarında mütaliə edir, şahmatla məşğul olur, kitablar oxuyur və tarixi şəxsiyyətlər haqqında olan mövzulara daha çox üstünlük verir.

Ən böyük arzusu şahmat üzrə dünya çempionu olmaq, ali təhsil almaq, arzularını gerçəkləşdirmək, xalqına, vətəninə, cəmiyyətinə gərəkli bir vətəndaş olmaqdır. Bu addımları atmaq üçün isə oxuyur, ictimai işlərdə fəal iştirak edir, var qüvvəsiylə çalışır.

Onun fəaliyyəti ilə bağlı  əksər televiziya və radiolarda məlumat verilib. ATV kanalının xəbərlərində, dəfələrlə İctimai kanalın “Yeni gün” verilişində, ANS telekanalının xəbərlərində, Xəzər televiziyasında, Space-də, Az.TV-də səhər kanalında, radionun uşaqlar üçün verilişində onun fəaliyyəti ilə bağlı məlumatlar verilib. “Göy qurşağı” uşaq jurnalında “Dama-dama qələbəyə”, Almaniya-Azərbaycan əlaqələdirmə və informasiya jurnalında “Həmişə oyunda”, “Bizim dünyamız” foto kitab toplusunda, “Azərbayan müəllimi” qəzetində “Yaşıdları arasında ilk qızıl medal sahibi”, “Zəfər qalası” qəzetinin “İşığa doğru”, “Hüquqşünas” qəzetində “Çempion”, “Borçalı” qəzetində “Təbriklər”, “Hakimiyyət” qəzetində “Uğurlarına görə təbriklər”, “Mədəniyyət” qəzetində “Haqqın yolu Mərhəmət işığında” adlı məqalələr ona həsr edilib.

Uğurların daha çox olsun Haqq! Tanrı səni haqqın yolundan sapdırmasın!