Şabanov Mahir Tahir oğlu 19 yanvar 2000-ci ildə Lənkəran rayonu, Girdəni kəndində dünyaya göz açıb. Mahir körpəlikdə sakit, ağıllı, təmkinli, ünsiyyətcil uşaq olub. Uşaqlıqdan onun musiqiyə böyük marağı olub. Həmyaşıdlarını başına yığıb, onlar üçün mahnı oxuyardı. Hətta o yatərkən də öz-özünə zümzümə edərək yuxuya gedib. Mahirin 4 yaşı olanda böyük qardaşının dərs vəsaiti, kitabları ila maraqlanıb, oxumağa çalışırdı.
Mahir məktəbə gedənə qədər əlifbada olan bütün hərfləri tanıyır, yazıb-oxumağı bacarırdı. Musiqiyə xüsusi marağı 3 yaşından hiss olunmağa başlayıb. Bu istedad ona ailədən, gendən gəlib. Atası, əmiləri də musiqiçidir.
Mahir birinci sinfə Şağan qəsəbəsi Füzuli Gözəlov adına orta məktəbdə gedib. Hazırda Xəzər rayonu Binə qəsəbəsində yerləşən 149 saylı orta məktəbdə oxuyur. Dərslərini yaxşı oxuyur, ən sevdiyi fənnlər ədəbiyyat, Azərbaycan dili, tarix və musiqidir.
Məktəbdə təşkil olunan bütün tədbirlərdə iştirak edir, öz səsiylə tədbir iştirakçılarını valeh edir.
2012- ci ilin aprel ayının 11-də Xan Şuşinski müsabiqəsində Laureat adını alıb.
Mahir 1-ci sinfi bitirdikdən sonra valideynləri onu Binə qəsəbəsində yerləşən 24 saylı 11 illik musiqi məktəbinin fortopiano şöbəsinə yazdırıblar. Amma onun həvəsi muğama olduğundan, məktəbdə yaxın otaqda keçirilən muğam dərslərinin yanında olurdu onun fikri. Nəhayət Mahiri məktəbin muğam müəllimi Arif Qənbərovun yanına aparıblar, onu dinlədikdən sonra muğam sinfinə keçiriblər.
Qazandığı uğurlara görə müəllimi Arif müəllimə və valideynlərinə borcludur.
Gələcəkdə Milli Konservatoriyaya qəbul olub, muğamın incəliklərini daha dərindən öyrənmək, böyük səhnələrdə çıxışlar etmək arzusundadı. Muğamızımı bütün dünyaya çatdırmaq və Azərbaycanı təmsil etmək ən böyük arzusudu.
Комментариев нет:
Отправить комментарий