İsayeva Məryəm Xankişi qızı

Məryəm adı ən gözəl xanım adlarından biridir. Hətta həmin ada dinimiz İslamın müqəddəs kitabı olan Qurani-Kərimdə də rast gəlirik. Adətən bu adın sahibləri incə düşüncəli, zərif olurlar. Bu balaca qəhrəmanımız da Məryəm adını daşıyır.

İsayeva Məryəm Xankişi qızı 13 noyabr 2007-ci ildə Bakı şəhərində anadan olub.

Məryəm 1 yaşında danışmağa başlayıb.

Uşaqlıqda çox dəcəl olub. Rəqs etməyi, şəkil çəkməyi xoşlayırdı. Musiqiyə də maraq göstərirdi. Məryəmin 3 yaşı olanda nənəsi ona çoxlu şeirlər öyrətmişdi, hərflərin çoxunu tanıyırdı. Lakin 5 yaşında olanda artıq sərbəst yazmağı və oxumağı bilirdi. Bunu uşaq bağçasında müəllimlərinin sayəsində öyrənmişdi.

Məryəm pianoda ifa etməyi də bacarır. Bu sahə üzrə dərs alır.

Yay tətilində isə üzgüçülük dərsləri də almaqla vaxtını dəyərləndirir.

Hal-hazırda 83 saylı liseydə təhsil alır. Əlaçıdır.

Məryəm ona tədris olunan bütün fənnlərə qarşı maraqla yanaşır. Ancaq riyaziyyat fənnini xüsusilə sevir.

Məryəm çox aktiv qızdır. Uşaq bağçasında keçirilən bütün tədbirlərdə, şənliklərdə fərqli rolları olub.

İndi liseydə keçirilən tədbirlərə də qatılır. Məsələn, “20 Yanvar”, “Xocalı” hadisələri haqqında keçirilən tədbirlərdə şeirlərlə çıxış etmişdir. Həmçinin qanlı hadisələri əks etdirən rəsmlər çəkib, həmin rəsmləri də tədbir üçün təqdim etmişdir.

Novruz Bayramında keçirilən şənlikdə də “Bahar qızı” rolunda çıxış etmişdir.

Əlifba bayramında müxtəlif rollarda çıxışı olub.

Məryəmin gələcək hədəfi cərrah olmaqdır.

Boş vaxtlarında öz otağında oturub oyuncaqları ilə səhnəciklər qurur, oyuncaqlarla onların dili ilə danışır.

Məryəmin qardaşı Məhəmməd ondan 4 yaş kiçik olduğuna görə, Məryəm boş vaxtlarında qardaşına da yazmağı, oxumağı, saymağı və müxtəlif şeirləri öyrədir.