Maqsudova Tahirə Azər qızı

Sizə gәlәcәyin hәkimi Tahirә haqqında danışmaq istәrdik. Gәnc qәhrәmanımız Tahirә körpә yaşlarında həddәn artıq fəal və bir az da ərköyün olub. Amma buna baxmayaraq maraq dairəsi çox geniş olub. Hər bir hadisədən hali olmaq onun ən böyük istəyi olub. Anası Günay xanım deyir ki, Tahirəni demək olar ki, oyuncaqlarla oynayan görmədik, kiçik yaşlarından “Sənə nə alaq?” sualına yalnız “Kitab istəyirəm, mənə kitab alın” - deyə cavab verərdi. Artiq üç yaşında hərflərə olan marağı ora gətirib çıxardı ki, o, dörd yaşında sərbəst oxumağa başladı. Bu işdə dayəsinin əməyi danılmazdır. Tahirənin göz açdigi ailədə musiqi duyumu hər kəsə məxsusdur, böyük bacısı Qəmərtac isə qanun aləti üzrə beynəlxalq və respublika laueratıdır. Təbii istedad (yüksək eşitmə qabiliyyəti) isə birbaşa şərtlərdən biridir.

Maqsudova Tahirə Azər qızı 2007-ci il martın 22-dә Bakı şәhәrindә anadan olmuşdur. 132-134 saylı Təhsil Kompleksində tәhsil alan Tahirә dәrs әlaçısıdır. Әn çox sevdiyi fәnlәr isә riyaziyyat, musiqi, fransiz və inglis dilidir. Mәktәbdә keçirlәn bir çox tәdbirlәrdә fәal iştirak edir. Tahirə beş yaşından “Təbəssüm”adlı Uşaq Teatrında həm rəqs, həm də vokal ifaçisi kimi fəaliyyət göstərir və bu dövrlərdə də müxtəlif TV proqramalarda, dövlət tədbirlərində fəal iştirak edib. Bu gün isə Azərbaycan Dövlət Televiziyasinin nəzdində fəaliyyət göstərən səsyazma evinin musiqili vokal qrupunda məşğul olur. Rəşid Behbudov adına Mahnı Teatrında, Novruz bayramı ilə əlaqədar keçirilən tədbirlərdə və 2016-ci ilin sonlarında təşkil olunan “Soyuq əllər, İsti ürəklər” lahiyəsində vokal ifaçisi kimi çıxış etmişdir. Bundan başqa vaxtaşırı bir sıra telelahiyələrdə aparıcı qismində özünü sınayaraq maraq dairəsini genisləndirməkdәdir. İstedadıyla bağlı Azərbaycan Dövlət televiziyasında, “Mədəniyyət” kanalının “Pillə” verilişində, “İctimai” televiziyada, “Space” TV-nin “Mən böyümüşəm” uşaq verlişindә çıxışları olub. Әldә etdiyi uğur vә naliyyәtlәrinә görә valideynlərinə və sevimli vokal müəllimi Nigar xanima minnәtdardır. Özünü tədrisdə ona yol göstərən müәllim kollektivinә vә sinif rәhbәri Lalә xanıma borclu hesab edir. Heç kimə bənzəmək istəməyən qəhrəmanımız peşəkar musiqişünaslarin fikri ilə razilaşib, onlarin tövsiyyələrini hər zaman nəzərə almağa çalışır.

“Zima i leto” adlı uşaq festivalının iştirakçısı olmaq arzusundadır. Gәlәcәklә bağlı planı haqda soruşarkən bizə həkim olmaq istәdiyini söylədi. Atası Azәr bәy intellektual bir insandır və peşəsini sevən həkimdir. Məhz bu amil qəhrəmanımızı həkimliyə sövq edən səbəbdir. Asudә vaxtlarında bәdii qiraət, musiqi və rəsm çəkməklə mәşğul olur. İncəsənətin çox zövqlü və maraqlı sahəsi olan oriqami ilə məşğul olmağı çox sevir. Gәlәcәk arzusunu dilə gətirərkən fransız dilini çox sevdiyini söyləyən istedadlı balamız poliqlot olmaq istəyini etiraf etdi. Ən ümdə arzusu isə savadli həkim olub xalqına xidmət etmək və valideynlərinin qürur mənbəyi olmaqdır. Tibb sahəsində ixtiralar etməklə tarixin yaddaşında qalmaq istəyir. Gәlәcəyin hәkimi olmaq arzusu ilə yorulmadan çalışan, daima biliklərini artıran Tahirәyә bütün xәstәlәrә şәfa vermәsini arzulayırıq. Uğurların bol, yolun açıq olsun, gözəl qızımız!