Abdullayev İlqar Sahib oğlu

İlqarın adını öz adına uyğun olaraq böyük qardaşı Qoşqar qoymuşdur. Körpəlikdə İlqar çox dərrakəli, ağıllı, sözəbaxan uşaq olmuşdur. Musiqiyə, incəsənətə marağı böyük idi. İlqar 2 yaşında Polad Bülbüloğlunun “Gəl ey səhər” mahnısını əzbərdən oxuyurdu.

Məktəbə gedənə qədər bağça müəllimləri və valideynlərinin sayəsində yazıb-oxumağı öyrənmişdi. İlqar uşaqlıqdan canlı təbiəti və heyvanları çox sevirdi. Uşaq bağçasında hamıdan xəbərsiz öz yeməyini bağçanın həyətindəki pişiklərə verərmiş. Kənddə nənəsindən, babasından aldığı pulla yiyəsiz itlərə, pişklərə yemək alıb verərmiş.

İlqar Sahib oğlu Abdullayev 28 fevral 1995-ci ildə Bakı şəhərində anadan olub. 2001-ci ildə “Zəkalar” liseyinin I sinfinə daxil olub. 2004- cu ildə isə IV sinfində Heydər Əliyev adına liseyin təhsil almağa başlayıb. 2009-cu ildən 171 saylı orta məktəbdə təhsilini davam etdirir.

İlqar orta məktəbdə dərslərini yaxşı oxuyur. Ən sevimli fənləri coğrafiya, Azərbaycan dili və tarixdir. Məktəblər üzrə coğrafiya olimpiadasında I yer tutub.

İctimai işlərdə də fəallıq göstərir. Xocalı faciəsi tədbirdə iştirak edib. Gələcəkdə hüquqşunas olmaq istəyir. İnsanların hüquqlarını qorumaq üçün. İdmanın boks növü ilə məşğul olur.

Arzusu ali təhsil alıb cəmiyyət üçün faydalı bir insan olmaqdır. Bunun üçün il növbədə orta məktəbi əla qiymətlərlə bitirmək niyyətindədir.