Pərvin adı babası Dağıstan kişinin xoşladığı ad olub. Babasının və
Hüsnü bibisinin istəyi ilə bu adı qoyublar.
Körpəlikdə sağlam, hər şeyə maraq göstərən uşaq olub. Suyu çox
xoşlayırdı. Çıxartmasan saatlarla suda qalmaq istəyirdi. Şəkillərə baxmağı
xoşlayırdı. Anası ona layla çalanda yatmaq əvəzinə oynayıb gülərdi. Uşaq vaxtı
su işməyi heç xoşlamırdı. Sonralar isə onun bu hərəkətlərini xalasının həyat
yoldaşı Aftandil bəy Pərvinin bir yaşında yazdığı şeirdə belə qeyd etmişdi.
Çay içməyi bir tamaşa,
Püflər geri çəkər başa.
Xalası bu, sağ olmuşa
Qurban olum, qurban deyir.
Pərvinin qırxı çıxandan sonra onlar Bakıya köçdülər. Anasından çox
xalası Pərvinin qayğısına qalıb, əziyyətin çəkib, indi də ona zarafatla
“xalasının balası” deyirlər.
Məktəbə getməmişdən əvvəl yazmağı, saymağı bilirdi. Pərvinə yazmağı,
saymağı və oxumağı xalası oğlanları İlkin və İman öyrətmişdilər.
Onun haqqında xalasının yoldaşı Afdandil Baba oğlunun qələmə aldığı
şeirdən bir neçə bəndi sizə təqdim edirik:
Bir oğul atadır, bir qızsa ana,
Sənin gəlişinlə Pərvin cahana,
Sevincsən, fərəhsən həm də xalana,
Tanrının ən gözəl qisməti Pərvin
Bir ana qəlbinin ülvü duyğusu,
Ən gözəl qayğıdır-ata qayğısı,
Beşiyin üstündə ana laylası,
Tanrının ən gözəl qisməti Pərvin.
Bir vaxt gözlərini güclə açardın,
Gecəni gündüzü çaş-baş salardın,
Şirin-şirin barmağını sorardın,
Bir yaşa çatmısan Pərvin, a Pərvin.
Atan hər ağrını çəkər içində,
Sevinci üzündə, kədər qəlbində,
İstəyi, arzusu körpə Pərvində,
Böyüyüb atalı bir ata olsun..
Sən bir az azarlı, kefsiz olanda,
Görəsən Səbinə nə çəkir onda,
Gözlər lal haraylı, əllər qoynunda,
Bir ana qəlbinin sevinci Pərvin..
Birinci sinfə gedəndə riyaziyyata xüsusi marağı var idi. Sonralar isə
xalası oğlu İlkin onun riyaziyyata daha çox maraq göstərməsinə səbəb oldu.
İlkin Bakı Dövlət Universitetinin tətbiqi riyaziyyat və kibernetika fakültəsində
oxuyur. Pərvinə bilgisayarı, riyazi hesablamaları asan və şifahi yolla öyrədir.
Ona görə də Pərvin yaşıdları arasında həm riyaziyyat, həm də başqa fənlər üzrə
irəlidədir.
Valideynləri Cəbrayıl rayonu Nüzgar kəndindən olsa da, 16 fevral
1997-ci ildə Sabirabad rayonu Qalaqayın çadır şəhərciyində anadan olub. 2003-cü
ildə Nizami rayonu 250 saylı orta məktəbə gedib. 2006-cı ildən Xətai rayonu 55
saylı orta məktəbdə təhsilini davam etdirir. Futbolu çox xoşlayır, dzyü-do və sərbəst
güləşlə məşğul olur.
Pərvinlə də söhbətimiz maraqlı oldu. O, dedi: “ - Dərslərimi əla
oxuyuram. Ən sevimli fənlərim riyaziyyat,tarix və ədəbiyyatdır. Məktəbdə
keçirilən bütün tədbirlərdə fəal iştirak edirəm. 20 Yanvar, Xocalı soyqırımına
aid mərasimlərdə şeirlərlə çıxış emişəm.
31 may 2007-ci ildə 55 saylı məktəbdə fəxri fərman almışam. Həm dərslərimdə,
həm də yaşıdlarım arasında seçilməyimə görə atama və müəllimlərimə borcluyam. Riyaziyyatçı
olmaq istəyirəm. Çünki riyaziyyatı bütün elimlərin əsası, özülü bilirəm. Ən çətin
misal və məsələlər səbr və təmkinlə həllini tapdıqda keçirdiyim sevinc hissini
heç nəylə müqayisə etmək olmaz.
Asudə vaxtlarımda bilgisayarda oyunlar oynayır, yaşıma uyğun məlumatlarla
tanış oluram. Qarın yağmağına tamaşa etməyi xoşlayıram. Fəsillərdən isə yaz fəslini
çox xoşlayıram.
Həyatımda ən yadda qalan, xoşbəxt günlərimdən biri də xalamgillə
Masallı “İstisu” istirahər zonasına getdiyimiz günlərdir. Orada keçiritdiyimiz
günlər ən unudulmaz günlərdir. Çayda çimdik, “Yanar dağda” olduq, yerdən çıxan
suyun necə yanmasına tamaşa edirdik. Çayın bir tərəfinin suyu isti bir tərəfi
isə soyuq idi. Şəlalələrə tamaşa edir, gözəl təbiət, meşələri seyr edirdik”.
İbtidai sinif müəllimi Fərqanə xanım: “ - Qabiliyyət təbiətin hər
insana verdiyi sehrli hədiyyədir. Bu hədiyyədən birinə çox, birinə isə az pay
düşür. İlk gündən hiss etdim ki, Pərvinə bu qabiliyyətdən çox düşüb. Pərvinin
riyaziyyat üzrə yüksək qabiliyyəti var. Pərvin səylə oxuyan, yoldaşları ilə səmimi
ünsiyyət yaratmaq bacarığına malik şagirddir. Onun çətinliyi xoşladığını
bilirdim. Bu xüsusiyyətləri ilə həmişə həmyaşdlarından fərqlənirdi. Pərvin hər
şeyi öyrənir, heç bir şeyi nəzərdən qaçırmırdı. Ona görə də çətin tapşırıqların
öhdəsindən asanlıqla gəlir”.
Sinif rəhbəri Ülkər Paşayeva: “ - Pərvin Dağıstanlı ilk görüşdə mənə
sakit təbiətli, ağıllı və məsuliyyətli bir şagird təsiri bağışlamışdır. İlk
günlərdə dərslərinə hazırlığı, diqqətliliyi ilə gözə çarpmışdır. Onu hərəkətinə,
davranışına fikir verən, mədəni bir şagird kimi tanıyıram.
Mən Pərvini savadlı, ağıllı, vətənini qoruyan bir vətəndaş kimi görürəm.
Pərvin sinif yoldaşlarından təmkinliyi,
savadı, bacarığı ilə fərqlənir. Gələcəyinin parlaq olmasına inanıram”.
Комментариев нет:
Отправить комментарий