Bezlepkina Veronika Yuri qızı

Veronika bütün fənləri eyni səviyyədə asanlıqla mənimsəyir. Fizika, cəbr, həndəsə kimi dəqiq fənləri daha çox sevir. Çətin tapşırıqları yerinə yetirməyə daha çox can atır.

Eyni zamanda dünya, insanlar, hiss və münasibətlər barədə biliklər əldə etdiyi tarix, biologiya və ədəbiyyat fənlərini də sevir.

Veronika Yuri qızı Bezlepkina 13 sentyabr 1996-cı ildə Bakı şəhərində dünyaya gəlib. Hazırda T.İsmayılov adına “İntellekt” liseyinin şagirdidir. Ən çox sevdiyi dərs informatikadır. Veronika məktəbin ictimai həyatında da fəal iştirak edir. “Əlifba” bayramında, 8 mart Beynəlxalq Qadınlar günündə, ibtidai sinifi bitirməklə bağlı tədbirdə rəqs etmək, şeir söyləmək və səhnəciklərdə rol ifa etmək kimi bacarıqlarını nümayiş etdirib. İnformatika ilə bağlı, ŞHK-nın hazırladığı tədbir bu günə qədər yadımdan çıxmayıb. Orada Veronika Prinsessa Disketa rolunu ifa edib. Bundan əlavə siniflərinin fəxri yer tutduğu müsabiqələrin daimi iştirakçısıdır.

Əldə etdiklərində valideyinlərinin mühüm rolu olduğunu deyir qəhrəmanımız . Valideyinləri onu bilgisayar təmir etməklə yanaşı, istifadə qaydaları öyrədib, internetə çıxış şəraiti yaradıb.

Veronika məhşur milyader Bill Qeytsin uğurlarından ruhlandığını deyir. Gələcəkdə hansı peşəyə yiyələnəcəyini tam müəyyənləşdirməsə də hər halda bilgisayar texnologiyası ilə bağlı olacağını əminliklə deyir.  

Qəhrəmanımız asudə vaxtını kitab oxumaqla,yaradıcılıqla məşğul olmaqla, bilgisayarda işləməklə keçirir. Bilgisayarda məntiqlə bağlı olan oyunları çox sevir. Rəsm çəkməyə, hərdənbir yaşına uyğun şeirirlər yazmağa da vaxt ayırır.

Veronika gələcəkdə tək özü və ailəsi üçün deyil, vətəni üçün də dəyərli vətəndaş kimi yetişmək arzusundadır. Onun istədiyinə nail olacağını əminliklə söyləmək olar. Çünki o, bu yaşında belə başqalarına nümunə olacaq biridir. Məktəblərində “İlin şagirdi” seçilib. Veronika bu gün məktəbi bitirib ali təhsil almaq, öz biznesini qurub xeriyyəçiliklə məşğul olmaq arzusuyla alışıb yanır. Öz fəaliyyəti ilə tarixdə, insanların qəlbində iz qoymaq niyyətində olan bu gənc qıza hamılıqla uğurlar diləyək.