Arzu yüksək
idealara gedən uzun bir yoldur. Arzunun sərhədi, hüdudu olmur. Peygəmbərimiz Həzrəti
Mühəmməd (s.ə.s) demişdir: “Bələkdən, məzar evinə kimi oxumaq lazımdır”.
Hər valideynin ən
müqqəddəs arzusu övlad şərəfini əziz tutmaq, onu gələcəyin mükəmməl insanı kimi
böyütməkdir. Xoşbəxt ana o kəsdir
ki, övladlarının xoş sədası gəlir. Ağıllı, zəkalı, qeyrətli, savadlı, vicdanlı
övlad böyütmək ana şərəfi, ana qüruru deməkdir. Məqsədə çatmaq üçün insanın
özünə inamı olmalıdır. İnam insana güc, qüvvə verir. Ana məhəbbəti övlada güc,
inam, səadət, xoşbəxtlik nəsib edir. Uca Rəbbimiz həmişə anaların arzusuna nail
olmağa kömək edir.
Barəsində söhbət açacağımız
Elgünün də anası belə analardandır. Elgün Budaq oğlu Əliyev 1997-ci il avqustun
28-də Bakı şəhərində anadan olmuşdur. 2003-cü ildə Qaraçuxur qəsəbindəki S. Bəhlulzadə
adına Xarici Dillər Təmayüllü Gimnaziyanın I sinfinə getmişdir. Həmişə məktəbin
seçilən şagirdləri sırasında olub. Mükəmməl, savadlı və ağıllı şagird olduğuna
görə VI sinifdə müsabiqə yolu ilə Nizami rayonundakı “Zəngi” liseyinə qəbul
olunmuşdur. Təhsil aldığı hər iki məktəbdə daim ictimai işlərdə də fəal olub. Bütün
qiymətləri əla olub. Elgünün istedadını, bacarığını, uğurlarını məktəb rəhbərliyi
də yüksək qiymətləndirmişdir. VII sinifdə oxuyanda “İlin ən yaxşı şagirdi”
seçilmişdir. Bütün müəllimlər tərəfindən sevilən Elvin ailənin və məktəbin fəxridir.
Комментариев нет:
Отправить комментарий