Əliyeva Nuray Elnur qızı 21 dekabr 2006-cı ildə Bakı şəhərində anadan olmuşdur. Nuray körpəlikdən düşdüyü mühitə tez uyğunlaşan, aktiv, yeniliklər axtarışında olan bir uşaq olub. Rəm çəkmək, kəsmək, nəyisə düzəltmək onun ən sevimli məşğuliyyətləri olub. Az yaşı olmasına baxmayaraq o, yaddaşlarda qalmağı bacarırdı. Məktəbə gedənədək yazmağı, oxumağı tam sərbəst öyrənmişdi, buna anasının dəstəyi ilə nail olmuşdu. İstedadıyla bağlı maraq Nurayda məktəbəqədər təhsili vaxtı getdiyi kurslarda nəzərə çarpmışdı. Getdiyi ingilis dili kurslarında bu dilə böyük maraq göstərmiş və çox qısa zamanda öyrənmişdi.
Nuray ilk təhsilini ABŞ-ın Texas ştatındakı Hyüston şəhərində yerləşən “R. K. Dailiy Elementary” adlı məktəbdə almışdır. İngilis dilinə hələ kiçik yaşlarından yaranan marağı Nuraya Amerikadakı təhsili çox müsbət təsir göstərmişdi. Çox keçmədən o, Amerikadakı təhsil sisteminə uyğunlaşdı. Artıq ingilis dili Nurayın ikinci doğma dilinə çevrilimişdi. Oradakı kollektiv Nurayın ingilis dilini belə sürətlə mənimsəməsi və amerikan təhsil sistemini savadlı qavramsı çox təəccübləndirmişdi. I və II sinfi ABŞ-da oxuyan Nuray III sinifdə vətənə qayıtdı və təhsilini 287 saylı “Zəkalar” liseyində davam etdirdi. Doğma vətəndə Nuraya Bəyim müəllim çox dəstək oldu. O, dərslərini yaxşı oxuyur və ən çox sevdiyi fənlər Azərbaycan dili, riyaziyyat və ingilis dilidir.
Amerikada oxuduğu müddətdə Nuray bir çox festivallarda və tədbirlərdə fəal iştirak etmişdi. Bunlardan “World countries”, “Fall festival”, “Spiring Holiday” və başqalarını misal göstərmək olar. Bu tədbirlərdə iştirakı zamanı nitqi, tələffüzü və danışıq qabiliyyəti ilə heç də yerli uşaqlardan geridə qalmırdı. İngilis dilinddə çox gözəl danışırdı və bu dilə olan sevgisi xeyli artmışdı.
Nuray: “ - Əldə etdiyim uğur və nailiyyətlərimə görə özümü sevimli valideynlərimə və mənə dəstək olan müəllimlərimə borclu hiss edirəm. Xüsusilə də məktəbimizin direktoru Aygün xanım və Rehan müəllim mənə çox dəstək olublar. Onların hər birinə təşəkkürümü bildirirəm.
Gələcəkdə dillərə olan marağıma görə tərcüməçi olmaq istəyirəm. Arzum dünya dillərindən bir çoxunu öyrənməkdir. İnsaAllah valideynlərimin dəstəyi ilə bu arzuma çatacağam.
Asudə vaxtlarımda kitab oxumağı, xarici və milli filmlərə baxmağı çox sevirəm. Rəsm çəkməyi də xoşlayıram elə bu səbəbdəndir ki, rəsm dərnəyinə gedirəm. Bədii yaradıcılıqla məşğul oluram və bu mənə zövq verir. Uşaq yaşlarımda üzgüçülüklə və rəqslədə məşğul olmuşam. Hazırda isə rəssamlıq və rəqsə eyni dərəcədə vaxt ayırıram.
Gələcəkdə dərslərimi daha yaxşı oxumaqla valideynlərimə və müəllimlərimə qürur verəcək qədər uğur əldə etmək istəyirəm. Bunun üçün əlimdən gələni edəcəyəm. Təhsilimi inkişaf etdirmək üçün səy göstərəcəyəm. Bunun üçün vətənimdə və lazım gələrsə xarici təhsil ocaqlarında təhsil alacağam və mənə olan ümidləri doğruldacağam.”
Комментариев нет:
Отправить комментарий