Qasımova Fidan Mayıs qızı

Qasımova Fidan Mayıs qızı 2001-ci il yanvar ayının 30-da Əmircan qəsəbəsində anadan olmuşdur.Valideynlərinin dediyinə görə Fidan balacalıqda maraqlı uşaq olub və eyni zamanda da nadinc uşaq.Bu istedadlı qız öyrənməyə o qədər həvəsli olub ki,elə uşaqlıqdan çoxlu suallar verib cavab almağa çalışırmış.Kiçik yaşlarında cizgi filmlərə baxmağı sevər,velosiped sürər,rəsm çəkər və bütün bunlarla yanaşı bacısıyla dalaşmaqdan zövq alarmış.Fidan məktəbə getməmişdən əvvəl oxuyub yazmağı bacarmırdı.Lakin Nail Salamov adına 97 saylı tam orta məktəbə getdiyi gündən etibarən dərslərini həvəslə oxumuş,oxuyub yazmağı hamıdan daha yaxşı mənimsəmişdir.Fidan dərslərə olan marağını ilk müəlliməsi Zərnişan xanıma borcludur.

Fidan hal-hazırda 9-cu sinfdə oxuyur və indiyə qədər heç vaxt zəif qiymət almayıb.Bütün fənləri eyni səviyyədə,yəni çox ela oxuyur.O elmlə yanaşı ictimai tədbirlərdə də fəaldır,hətta öz siniflərinin adından tədbirlər təşkil edir və bu tədbirlərdə iştirakı ilə fərqlənir.İctimai tədbirlərdə aparıcı olmağa daha çox üstünlük verir.Fidan üçün en uğurlu zaman əziyyətlərinin bəhrəsini gördüyü zamanlardır.O,2012-ci ildə 5ci sinfi ela qiymətlərlə bitirdiyinə görə diplom ilə,2013-cü ildə 6-cı sinfi əla qiymətlərlə bitirdiyinə görə fəxri fərmanla,2014-cü ildə Smart Tədris Mərkəzi tərəfindən bir neçə məktəb üzrə 7-ci siniflər arasında keçirilən sınaqda 1-ci yeri tutduğuna görə sertifikatla və 2015-ci ildə 8ci sinfi əla qiymətlərlə bitirdiyinə görə fəxri fərmanla təltif olunub.Fidan bu uğurlarına görə başda Allaha,sonra valideynlərinə və müəllimlərinə borclu olduğunu bildirib.Nəsirəddin Tusiyə bənzəmək Fidanın ən böyük arzularından biridir.O sözünü yeritməyi bacardığı üçün gələcəkdə hüquqşünas olmaq istəyir.

Fidan o qədər istedadlı qızdır ki,rəsm çəkməyi də bacarır və paltar eskizləri çəkərək onları həyata keçirir.

Tarixin yaddaşında qalmaq,ailəsi və Vətən üçün xeyirli biri olmaq Fidanın ən müqəddəs məqsədidir.

Bu yolda biz də ona uğur arzulayırıq...