Sevindikli Ərşad Tahir oğlu

Sevindikli Ərşad Tahir oğlu 23 dekabr 2007-ci ildə Bakı şəhəri, Sabunçu rayonunda  anadan olub.  Ərşad  uşaqlıqda çox həssas, ətrafındakılara diqqətlə yanaşan uşaq olub. Çox uşaqlar kimi Ərşad da rəsmi çox sevib, körpəliyindən əsasən rəsmlə məşğul olub. 2 yaşı olandan rəsmə marağı hiss olunub, xüsusilə də kirpi, günəş şəkilləri çəkməyi xoşlayırdı.

Güclü zehnə sahibdir. 5-6 yaşlarında Ərşad artıq II sinifdə riyaziyyat fənni üzrə tədris olunan proqramı bilirdi.  Uşaqlığından onunla əsasən anası məşğul olurdu, məktəbə getməmişdən əvvəl hazırlıqda olub, müəllimi Kifayət xanım tərəfindən yazmağı və oxumağı öyrənib. Riyaziyyata meylli olduğundan və zehni qabiliyyəti yüksək olduğundan müəllimi ona artıq  II sinifdə keçilən proqramı tədris edib.

Ərşad hal-hazırda 148 saylı orta məktəbdə təhsil alır. Dərslərində əlaçıdır. Bütün fənlərə eyni məsuliyyətlə yanaşsa da, riyaziyyat və ingilis dilli fənlərini daha çox sevir.

Məktəbdə təşkil edilən müəyyən tədbirlərdə də çıxış etmişdir. Bunlardan biri “Əlifba” bayramıdır, şənlikdə Ərşad da  şeirlər və rəqslərlə çıxış edib. Təlim və tərbiyəsi ilə istər ailədə, istərsə də məktəbdə seçilir. Əlaçı şagird olduğuna görə şərəf lövhəsində onun da  şəkli yer alıb.  Əldə etdiyi nailiyyətlərinə görə sinif rəhbəri olan Rəsmiyyə xanıma və anası Əminə xanıma minnətdarlıq edir.

Gələcəkdə dövlət işçisi olmağı, asayişin qorunmasını təmin etməyi arzulayır, hədəfi Polis Akademiyasının tələbəsi olmaqdır. Vətənpərvər uşaqdır. Dövlət rəmzlərinə böyük hörmət və ehtiramla yanaşır. Düşmənlərimizi tanıyır və onlara nifrət hissi ilə böyüyür. Şəhid nəvəsi olduğundan , bu mövzuda yaşıdlarından daha çox həssasdır. O, babası şəhid -  Ərşad Sevindiyevin adını daşıyır.

Asudə vaxtlarında şəkil çəkmək, velosiped sürmək, topla oynamaq onun sevimli məşğuliyyətləridir.