Azərbaycan istedadlar diyarıdır. Belə gənc
istedadlarımızdan biri də Xədicə Mirələsgər qızı Muxtarovadır. Xədicə 8 noyabr 2004-cü
ildə Bakı şəhərində anadan olmuşdur. Ailənin sonuncu övladıdır. Valideynləri
deyir ki, Xədicə körpəlikdə şən, dəcəl uşaq olub, balacalıqdan musiqiyə böyük marağı
olub. Məktəbə gedəndə yaşıdları arasında ən kiçik uşaq olan Xədicəni imtahan verdikdən
sonra məktəbə qəbul elədilər. Çoxlu şeirlər, nağıllar bilirdi. İbtidai sinif müəllimi
Şəfiqə müəlliminin onun üzərində böyük zəhməti var. Musiqiyə həvəsi kiçik yaşlarından
yaranan Xədicəni valideynləri musiqi məktəbinə apardı və o, skripka ilə məşğul
olmağa başladı. O, dərslərini çox yaxşı oxuyur, dərs əlaçısıdır. Ən sevdiyi fənlər
ədəbiyyat və riyaziyyatdır. Məktəbdə Əhməd müəllimin tələbəsidir. Əhməd müəllim
ona skripkanın sirlərini öyrədir və bu yolda zəhməti əvəzsizdir.
Xədicə məktəbdə keçirilən bütün tədbirlərdə fəal
iştirak edir. O, gələcəkdə musiqi savadını davam etdirmək, Asəf Zeynallı adına musiqi
məktəbinə və Konservatoriyaya qəbul olmaq arzusundadır. Məşhur skripkaçıları
dinlədikcə onun zirvəyə qalxmaq arzusu daha da artır. Xədicə əldə etdiyi
uğurlarına və nailiyyətlərinə görə valideynlərinə və müəllimlərinə borclu
olduğunu hesab edir. Onun fikrincə vətənimizə layiqli bir övlad kimi yetişmək hər
birimizin borcudur.
Arzusu, məqsədi böyük olan Xədicəyə biz də uğur arzu
edir, dərslərində müvəffəqiyyətlər diləyirik...
Комментариев нет:
Отправить комментарий