Xəlilov Muhəmmədəli Vidadi oğlu

Xəlilov Muhəmmədəli Vidadi oğlu 10 fevral 2007-ci ildə Bakı şəhərində anadan olub. Uşaqlığı çox sakit keçib. Kiçik yaşlarında digər yaşıdları kimi oyuncaqlara, maşınlara, xüsusilə də dəmir əşyalara marağı olub.  Məktəbə gedənə qədər çoxlu şeir, nağıl, mahnılar bilirdi. Qardaşı Nizami ondan böyük olduğuna görə, bunların hamısını qardaşından öyrənib. Fəal və savadlı uşaq olduğuna görə məktəbə getməmişdən əvvəl biliyini möhkəmləndirmək üçün ona əlavə müəllim tutulub. İlk sorğu sualdan etibarən müəllimi ondan razılıq edib və onun əlavə müəllimə ehtiyacı olmadığını bildirib. Lakin valideynləri onun biliyinin təkmilləşməsi məqsədilə onu 7 ay hazırlığa göndəriblər.

Muhəmmədəli idmana həmişə həvəskar olub. İstedadı, demək olar ki, uşaqlığından hiss edilib. Atası Vidadi Xəlilov  Karate idman növü üzrə idman ustası olduğundan Muhəmmədəli də uşaqlığından bu idman növünə maraq göstərib.

Muhəmmədəli hal-hazırda 267 saylı orta məktəb-liseyin ibtidai sinif şagirdidir.  Dərslərində əlaçıdır. Ən sevimli fənni riyaziyyatdır.

Balaca dostumuz bu yaşda xeyli uğurlar əldə edib:  29 yanvar 2011-ci ildə - 5 yaşı olanda Bakı şəhərində klublararası “Kyokuşin karate-do” idman növündə yarışda birincilik qazanıb. 2013-cü il aprel ayının 24-də rayonlararası yarışda I yeri qazanıb, 2014-cü il aprel ayının 26-da Bakı şəhəri çempionlar arasında keçirilən yarışda I yerə layiq görülüb.

Bakıda keçirilən I Avropa Oyunlarının təbliğatında ( 16-17 may 2015-ci il ) AQOKKNF və BYKKF-sı,  Təhsil və  İdman  Nazirliklərinin keçirdiyi yarışda da yenə I yeri qazanıb. 27 may 2015-ci ildə Binəqədi rayon İcra Hakimiyyətinin keçirdiyi tədbirdə də iştirak edib.

Körpəliyindən onun adı çox yerlərdə qazandığı uğurlarla hallanır. “Zəfər Qalası” qəzetinin 27 may 2014-cü il buraxılışında  həm Muhəmmədəli , həm də qardaşı Nizami haqqında böyük məqalə öz əksini tapmışdır. 

Onun üçün ən yaddaqalan gün 15 iyun 2015-ci ildə Avropa Oyunlarında keçirilən Karate yarışlarına getməsi olub. Orada böyük həvəslə Ayxan Momayevin döyüşünü izləyib. Muhəmmədəli özü də böyüyəndə güclü idmançı olmağı, vətənini bütün dünyada layiqincə təmsil etməyi arzulayır.

Əldə etdiyi bütün nailiyyətlərdən dolayı atasına borclu olduğunu bildirir. Bu həvəsi Muhəmmədəlidə  atası oyatdığına görə, o da böyüyəndə atası kimi güclü idmançı olmağı arzulayır.

Muhəmmədəlinin gələcəklə bağlı planları çoxdur. Əvvəlcə orta məktəbi bitirib, İdman məktəbinə daxil olmaq, daha sonra da Polis Akademiyasına qəbul olmaq istəyir. Gələcək hədəfi general olmaqdır. Polis Akademiyasını bitirmək, getdikcə daha yüksək zirvələri fəth etmək, hətta İdman Naziri vəzifəsinə qədər yüksəlmək arzusundadır.   İdmanda həmişə qalibiyyət əldə etmək istəyir.

Onun ailəsi Mikayıl Müşfiq nəslinin davamçılarıdır, böyük dayısı Cavad İsmayılov 20 Yanvar şəhidlərindəndir, ulu babası Yunus  İsmayılzadə  el şairi olub. Bunlar öz adlarını tarixə yazmış insanlardırlar. Muhəmmədəli də gələcəkdə adının yaddaşlara həkk olunmasını çox istəyir.

Asudə vaxtlarını rəsm çəkməklə keçirir.