Ayşə İlham qızı Cümşüdlü

Azərbaycanın istedadlı gənclərindən biri də Ayşə İlham qızı Cümşüdlüdür. Ayşə 4 fevral 2006-cı ildə Bakı şəhərində anadan olmuşdur. Valideynləri deyir ki, Ayşə körpəlikdə bir qədər dəcəl, hər bir şeylə maraqlanan olsa da, deyilən sözə qulaq asan, utancaq uşaq olub. Uşaqlıqdan kitab oxumağa maraq göstərir, plastilindən və kağızdan müxtəlif fiqurlar düzəltməyi, şəkil çəkməyi, konstruktorla oynamağı çox sevirdi. İki yaşından 177 saylı uşaq bağçasına gedən Ayşə orada da daim ağıllı, sözə baxan olub. Keçirilən bayramlarda həmişə şeirlər söyləyib, tamaşa və rəqslərdə iştirak edib.

İlk yazı vərdişlərinə bağçada başlayıb. Elvira və Sevinc müəllimlərin köməyilə kiril qrafikası ilə yazmağı və oxumağı öyrənib. Ayşə hazırda Binəqədi rayonu 276 saylı orta məktəbin II sinif şagirdidir.

Məktəbdə Elza xanımın köməyi ilə latın qrafikalı Azərbaycan əlifbasını öyrənib. Dərslərini çox yaxşı oxuyur, bütün fənləri eyni dərəcədə sevir. Şəkil çəkməyə marağı olan Ayşə bacısı Aidə ilə Uşaq Rəsm Qaleriyasına gedib, rəsmə marağı onlarda nənəsi yaradıb. Uşaqlıqdan cizgi filmlərində olan müxtəlif mahnıları oxumağı çox sevir, musiqiyə həvəsi elə buradan yaranıb. Ayşə 2014-cü ilin martda Şaroyev adına 37 saylı Uşaq Musiqi Məktəbinin konsertində iştirak etmişdir.

Ayşə uğurlarına və nailiyyətlərinə görə valideynlərinə borclu olduğunu düşünür.

Asudə vaxtlarında o, cizgi filmlərinə baxır, şəkil çəkir, gəlinciklər tikir, kitablar oxuyur və kiçik qardaşına dərslərində kömək edir.

Ayşə 6 yaşından rəsmlə məşğul olub, I sinifdə oxuyarkən şahmata gedib. Hazırda Şaroyev adına 37 saylı adına Musiqi Məktəbində də oxuyur.

Orada o, skripka ilə məşğul olur. Ayşənin arzusu gələcəkdə orta məktəbi əla qiymətlərlə bitirib, ali məktəbə daxil olmaq və seçdiyi həkimlik sahəsi üzrə savadlı bir kadr olmaqdır.

Arzusu, məqsədi böyük olan Ayşəyə biz də uğur arzu edir, dərslərin də müvəffəqiyyətlər diləyirik.