Azərbaycanımızın istedadlı yeniyetmələrindən biri də
Mina Tərlan qızı Əliyevadır. Mina 2004-cü ildə Bakı şəhərində anadan olmuşdur. Valideynləri
deyir ki, Mina körpəlikdə çox ağıllı, düşüncəli, sakit, məsuliyyətli eyni
zamanda öz fikri olan, hamıya hörmət edən bir uşaq olub. Körpəlikdən hər şeyə
diqqət yetirib. Təbiəti, təbiət qoynunda olmağı çox sevir. Mina
"Aura" İdman kompleksində gimnastika ilə, Adil İsgəndərov adına Mədəniyyət
Evində Hacı Məlikovun rəhbərlik etdiyi rəsm dərnəyində məşğul olub.
Mina məktəbə gedənə qədər yazib-oxumağı evdə valideynləri,
uşaq bağçasında isə müəllimləri tərəfindən öyrənmişdir. Təsviri incəsənətə
marağı lap körpəlikdən yaranmışdır. Onun atası Tərlan memar-konstruktor, şəhərsalan,
əmisi Cavid memar-rəssamdır.
Mina 2010-cu ildə 96 saylı məktəbin II sinfinə daxil
olub, hazırda da həmin məktəbin V sinfində təhsil alır.
Əlaçıdır, bütün fənləri eyni dərəcədə sevir.
Mina "Əlvida bağça" tədbirində şeir deyib, rəqs
eliyib, mahnı söyləmişdir. Məktəbdə "Yeni il" şənliyində Qar qız
rolunda çıxış edib. Məktəbdə keçirilən bütün bayram və mərasimlərdə divar qəzetini
tərtib etmişdir. Mina üçün ən uğurlu gün məktəbə getdiyi ilk gündür. O, əl işləri
sərgisində fəal iştirak etdiyinə görə oxuduğu sinfə diplom qazandırmışdır.
Mina həyatda qazandığı uğur və nailiyyətlərinə görə
valideynlərinə və müəllimlərinə borclu olduğunu hesab edir.
O, fəaliyyəti ilə bağlı dizayn proqramlarını mümkün qədər
mükəmməl öyrənməyi, mebel və avadanlıqlar haqqında daha çox biliklər əldə etməyi
hədəfləmişdir.
Gələcəkdə memar-dizayner olmaq və bu sənətin sirlərini
daha dərindən öyrənmək istəyir.
Asudə vaxtlarında ailə üzvləri ilə vaxt keçirməyi, maraqlı
oyunlar oynamağı, şəkil çəkməyi, mütaliə etməyi kompyüterdə modellər yığmağı
xoşlayır. Rəsmlər çəkir, plastilin, kağız və təbii materiallardan əl işləri düzəldir.
O, orta məktəbi əla qiymətlərlə bitirib elm sahəsində yüksək nailiyyətlər
qazanmağı, ali məktəbə daxil olub seçdiyin sənətin peşəkarı olmağı planlaşdırır.
Onun fikrincə tarixin yaddaşında yaşamaq üçün ilk növbədə
Vətəninə bağlı vətəndaş olmaq, ölkədə gedən quruculuq işlərində iştirak etmək, işgal
altında olan torpaqlarının azad edilməsi yolunda addımlar atmalıdır.
Arzusu, məqsədi böyük olan Minaya biz də uğur arzu
edir, dərslərində müvəffəqiyyətlər diləyirik.
Комментариев нет:
Отправить комментарий