Səmədli Soltan Bayram oğlu

Səmədli Soltan Bayram oğlu 21 mart 1996-cı il Bakı şəhəridə anadan olub. Soltan körpəlikdən çox dəcəl və həddindən artıq hər şeyə maraq göstərən uşaq olub. Uşaq vaxtlarından bəzi meyxanaçıların rəvayətlərini, meyxanalarını əzbərləyib deyər, musiqiyə həddindən artıq maraq göstərərdi. Məktəbə gedənə qədər o yazıb oxumağı tamamilə öyrənmişdi, bu işdə ona anası kömək etmişdi. Hələ kiçik yaşlarında evdə babasının gözəl səsi olması və el şənliklərində, toylarda oxuması barədə gedən söhbətlər onda bu sahəyə maraq oyatmışdı.Artıq orta məktəbə başlayan vaxtlarda həm qonşusu, həm də kirvəsi olan tar ixtisası üzrə müəllim işləyən Əsab Əliyevin tarda mükəmməl ifa etdiyi mahnı və muğamlara heyranlıqla

qulaq asması onun bu sahəyə olan marağını açıq-aşkar üzə çıxartmışdı.

Elə bundan sonra onun öz istəyi ilə 2007-ci ildən Gözdən əlil uşaqlar üçün 38 saylı 11 illik Uşaq Musiqi Məktəbinin tar ixtisası üzrə I sinfinə qəbul olub.

2004-cü ildə fiziki imkanları məhdud olan uşaqlar üçün 5 saylı Respublika Orta İnternat məktəbinə daxil olub. Hazırda həmin məktəbin XII sinfində oxuyur.

Dərslərini yaxşi oxuyur, ən sevdiyi fənlər tarix , riyaziyyat və azərbaycan dilidir. Demək olar ki, musiqi ilə bağlı mədəniyyət idarəsi , tabeçiliyində olan məktəblər və bir sıra digər nazirliklər və təşkilatların keçirdiyi əksər tədbirlərdə , müsabiqə və festivallarda yaxından iştirak edib. Yəni tarda uğurla çıxış edib.

Bundan əlavə bir neçə musiqi məktəbində solo konsertlər də verib.

 Həyatıda ən maraqlı uğurlu gün və hadisə 23 aprel 2007-ci ildə ilk dəfə Azərbaycandan kənarda Türkiyə Respublikasında keçirilən 23 aprel uşaqlara həsr olunan beynalxalq festivalda iştirak etdiyi gündür. Əldə etdiyi uğurlara görə özünü müəllimlərinə və valideyinlərinə borclu hesab edir. Fəaliyyətiylə bağlı bacardığı və Allahın ona nəsib edəcəyi yerə qədər yüksəlməyi hədəfləyir. Tar ixtisası üzrə qazandığı bir sıra uğurlara görə gələcəkdə də bu sahədə fəaliyyətini davam etdirmək istəyir. Asudə vaxtlarında həvəskar fotoqraflıq və şahmat oynamaqla məşqul olur.

Məktəbi bitirdikdən sonra öz ixtisası üzrə Azərbaycan Respublikası Milli Konservatoriyasına qəbul olmaq və oranı bitirdiktən sonra daha da böyuk nailiyyətlər əldə etmək arzusundadır. Soltanın istedadıyla bağlı KİV - də , televiziyada dəfələrlə məlumat verilib. Bunlara misal olaraq “Bizim lider.” qəzetinin 6 mart 2009-cu il № - 03 buraxılışında “Təcrübəli pedaqoq” adlı məqaləsində , “Mədəniyyət” qazetinin 18.04.2012-ci il buraxılışında “Musiqili məkanın işığında” adlı məqalədə məktəbin direktoru, onun ilk müəllimi Əsab Əliyev Soltan haqqında öz fikirlərini söyləyib. Bundan başqa “Respublika” qəzetinin 3 mart 2013-cü il buraxılışındaki “Böyük arzulu balaca tarzan” və “Azərbaycan müəllimi” qəzetinin 24 yanvar 2015- i il buraxılışındaki “Bir neçə sahədə uğur qazanan qran-pri mükafatçısı” adlı məqalələrdə də onun haqqında geniş məlumat verilib.

Bundan başqa Gənclər və İdman Nazirliyinin sifarişi və maliyyə dəstəyi ilə “Gənclərin tənhalara dayaq” İctimai Birliyi tərəfindən 2014-cü ilin sonlarında hazırlanıb və nəşr olunmuş “Bizim dünyamız” foto kitab toplusunda da onun haqqında məlumat verilib. Dəfələrlə müxtəlif televiziya kanallarında müxtəlif verilişlərə dəvət olunub və çıxışlar edib.