Samirə Fuad qızı Məmmədzadə

 

Samirə Fuad qızı Məmmədzadə 17 noyabr 1996-cı ildə Bakı şəhərində anadan olmuşdur. Ailədə hamının sevimlisi olan Samirəyə bu adı nənəsi seçmişdir. Nənəsinin bu adı niyə seçməsi hələ də onu maraqlandıran suallardandır.

Hələ məktəbə qədər dövrdə idmanın müxtəlif növləri, xüsusilə həndbol, futbol onun marağına səbəb olmuşdur. Balaca yaşlarından rəsm çəkməyi də sevmişdir. Artiq o məktəbə qədər dövrdə yazıb-oxumağı bilirdi. Onun bu hazırlığında "Qərənfil" uşaq bağçasının rolu böyük olub.

2003-cü cü ildə Elşad Həmidov adına 267 saylı tam orta məktəbin I sinfinə daxil olmuşdur. 2014-cü ildə məktəbi bitirmişdir. Məktəb illərində tədris fənlərinin hər birinə məsuliyyətlə yanaşmışdır. Ən çox sevdiyi fənlər idman, Azərbaycan dili, riyaziyyat və biologiya olub. Bu fənnlər içərisində idmanın yeri xüsusi olub. Öz fəallığı ilə seçilən Samirə IX, X siniflərdə sinif nümayəndəsi olmuşdur.

Samirəhələ ki, əldə etdiyi nailiyyətləri uğur hesab etmir. Onun qarşısında bir sıra məqsədlər var. Bunlardan ən birincisi Azərbaycan Dövlət İdman Akademiyasına daxil omaqdır. İdmanı həyatının ayrılmaz hissəsi hesab edən futbolçu qızımız fəaliyyətini "Vətən" futbol qrupunda məşqçi kimi davam etdirmək istəyir.

Samirə həyatda heç kimə bənzəmək istəmir. O öz işində yeniliyi məhz özü gətirmək istəyir. Gələcəkdə qadın futbolunun inkişafında xidməti olan məşqçilərdən biri olmaq arzusundadır.

Xoşbəxtliyi ən çox sevdikləri ilə bir yerdə olmağda görən Samirə asudə vaxtlarını ailəsi ilə keçirməyi və gəzintiyə çıxmağı çox sevir.

Onun fəaliyyəti ilə bağlı KİV-də, televiziyada müxtəlif vaxtlarda məlumat verilib. Samirə haqqında həmçinin televiziyada fudbol oyunlarında, AFFA-nın saytında məlumatlar verilmişdir.