Nadirli Fateh Sevdiyar oğlu

Azərbaycan istedadlar diyarıdır. Belə gənc istedadlardan biri də Fateh Sevdiyar oğlu Nadirlidir. O, 11 sentyabr 2001-ci ildə Bakı şəhərində doğulmuşdur. 3 yaşından 4 saylı uşaq bağçasına getmişdir. Məktəbə getməmişdən öncə anasının və bacılarının köməyi ilə yazıb oxumağı öyrənmişdir. Hazırda 291 saylı Araz Ekoloji liseyində təhsil alır.

Valideynlərinin dediyinə görə Fateh körpəlikdə sakit, ağıllı, diqqətli, mehriban uşaq olub. İdmana marağı  uşaqlıqdan formalaşmışdır. Həmin vaxtlardan idman haqqında maraqlı məlumatlar öyrənməyə başlamışdır. Fateh ümumiyyətlə hərtərəfli uşaq olub. Kiçik yaşda olmasına baxmayaraq televizorda və qəzetdə olan bütün xəbərləri izləyirdi.Məlumatlı olmağı çox xoşlayır.Fatehin maraqlı kitablar oxumağa böyük həvəsi var idi.Anasi deyir ki, hara gedirdiksə həmişə ona maraqlı kitablar alırdıq. Futbola olan marağı onda bir çox ölkələri tanımaq hətta onların paytaxtlarını və bayraqlarını öyrənməyə həvəs oyatmışdı. Futbola olan həvəsi onda atası yaratmışdır.

Fateh futboldan başqa basketbola da böyük maraq göstərir. Artıq 5 ildir ki, basketbolla məşğul olur. Azərbaycanın “Qarabağ” klubunun, Türkiyənin ən məşhur klubu olan “Galatasaray”ın, İspaniyadan “Barselona”nın fanatıdır. Hətta Fatehin 2011-ci il Azərbaycan-Türkiyə qarşılaşmasında Türkiyə yığmasından olan Hamit Altıntop qardaşları ilə çox xoş və səmimi görüşü olmuşdur və bu görüşdən xatirə olaraq Hamit Altıntop öz formasını Fatehə bağışladı.

Fateh  musiqiyə də həvəs göstərmişdir. Bir müddət gitara dərslərinə də gedib.

Bütün bunlarla yanaşı Fatehin coğrafiya, ingilis dili və tarix fənnlərinə də böyük marağı var. Dərslərdə fəal iştirakına görə əla qiymətlər alır. Mehribançılığına, tərbiyəsinə görə həmişə müəllimləri və sinif yoldaşları arasında sevilir.

Fateh məktəbin ictimai işlərində də çox fəal iştirak edir.

O, 2013-cü ildə İngiltərənin Bristol şəhərindəki yay məktəbində olmuşdur. Orda dil öyrənməklə yanaşı, başqa ölkələrdən gələn uşaqlarla da tanış olmuşdur. Dərsdən sonra həmin uşaqlarla futbol da oynayırmış.Fateh həmin məktəbdən sertifikat aldığı günü həyatının ən uğurlu günü hesab edir.

Gələcəkdə biznesmen olmaq arzusundadır. O deyir ki, elə bir biznesmen olmaq istəyirəm ki, öz işimlə millətimə azacıq da olsa faydam olsun.

Asudə vaxtlarında televizorda idman proqramlarına baxmağı və kitab oxumağı xoşlayır.

Əldə etdiyi bütün uğurlara görə valideynlərinə borclu olduğunu  söyləyir. Fəaliyyətindən dolayı atasına oxşamaq istəyir. Onu da qeyd edək ki, Fatehin yüksək intellektə yiyələnməsində atasının rolu əvəzedilməzdir.

Arzuları, məqsədləri böyük olan Fatehə biz də uğurlar arzu edirik. İnanırıq ki, tarixi adı kimi böyük zirvələri fəth edecək.