Muradlı Nəzrin Faiq qızı

Nəzrin xaraktercə sakit, hər şeylə maraqlanan, ətrafdakıların diqqətini cəlb edən bir uşaq olub. Lap kiçik yaşlarından rəsmlər çəkir və məlahətli səsi var.

Məktəbə qədər dövrdə Mədinə Hacıyevanın hazırlıq kursuna getmiş, yazıb-oxumağı mükəmməl bir şəkildə öyrənmişdi.

İstedadıyla bağlı maraq Nəzrində lap erkən yaşda 4 yaşında yaranıb və bu maraq valideynlərindən qaynaqlanır.

Muradlı Nəzrin Faiq qızı 22 iyul 2007-ci ildə Bakı şəhərində anadan olub. 2013-cü ilin sentyabrında Famil İsgəndərov adına 157 saylı orta məktəbin I sinfinə getmiş və hazırda II sinif şagirdidir.

Nəzrin çox çalışqan şagirddir. Dərslərini yaxşı oxuyur və bütün fənlərə yüksək maraqla yanaşır.

Eyni zamanda həm də məktəbin fəallarındandır. Keçirilən tədbirlərin hamısında iştirak edir: şeir deyir, mahnı oxuyur, səhnəciklərdə rollar ifa edir.

Məktəbə ilk qədəm qoyduğu gün Nəzrin üçün həyatının ən maraqlı, unudulmaz və uğurlu günüdür.

Əldə etdiyi uğur və nəaliyyətlərə görə müəlliminə, valideynlərinə minnətdardır. İdealı olaraq atasını görür, ona oxşamaq istəyir.

Nəzrinin arzuları böyükdür. O Tibb Universitetinə qəbul olmaq, oranı yüksək nəticələrlə başa vurub tanınmış həkim olmaq, xəstələr şəfa vermək istəyir. Eyni zamanda həm də elmi işlə məşğul olmaq, tibb elmləri doktoru, professor olmaq arzusundadır.

Nəzrin həssas qəlbli, sakit təbiətlidir. Asudə vaxtlarında bədii ədəbiyyat oxuyur, yaxud hisslərini kağıza əks edərək rəsmlər çəkir.

Biz də Nəzrinə uğurlar arzu edir, bütün arzularının həyata keçməsini arzu edirik.